Ka Green-Tech Foundation (GTF) ha jylla Meghalaya ka la pynpaw ia ka jingsngewkhia halor ka jingpyntreikam ia ka projek kaba T. 39 klur ka Wahumkhrah Riverfront Development Project, namar ba haduh mynta ym shym la iohi ia ki kam ba la pyntrei ha madan. Katkum ka jinglap na ka RTI, ka GTF ka la kdew ba ka tnad Urban Affairs ka la aiti ban pyntrei sha ka M/s Ganpati Associates & Bikash Harlalka (Joint Venture), Goenka Towers, Keating Road, Shillong ha u Nailur mynshem snem da kaba buh por ba hapoh 18 bnai dei ban pyndep ia kane ka projek.
Haba kren sha ki lad pathai khubor, u Chairman ka GTF u bah BN Nonglang ula ong ba ka Foundation ka la ap la kumba shi snem eiei ban peit ban khmih ia kane ka projek. “La jan dap 12 bnai naduh ba la aiti ia ka Work order hynrei haduh mynta lait na ka jingker ia ki rud wah, ym don kiwei ki kam ba la pyntrei,” ula ong. U la ong ba mynta ka sah sa tang 6 bnai ban pyndep ia kane ka projek bad ula buh jingkylli la kane ka projek ban pyntrei ia ki jaka iaid paidbah, ban pyniasoh ia ka jingkieng, lah ban pyndep ha ka por ba la buh.
U la kdew ba ka kam ban ker ia ki rud wah la leh tang namar ba mih ka jingbthah na ka National Green Tribunal (NGT), ha kaba ka la buh ia ka kuna T.50 lak lada pynjaboh ia ka wahumkhrah bad ka Umshyrpi.
You may also like
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat
-
Kurup drok heroin ba T.7 lak ki pulit na 2 ngut samla
-
Ngi tip la ka bor ka buit ha ka saiñ pyrthei, kyrmen ngin poi sha ka jingjop:Prof. Batskhem