Ka NSS Unit ka ICFAI University Meghalaya, Shillong ka la rakhe ia ka sngi riti synshar hynne ka sngi 26 tarik u Naiwieng ryngkat ki jingrwai ieit Ri bad ki ki jingrwai ka NSS ICFAI. Ka kong Bawan P Ryntathiang ka NSS Programme Coordinator haba ai jingkren ka la ai mynsiem ia ki samla ia ka jingthmu bad ka nongrim jong ka Riti Synshar ka Ri India.
Ka la pynkynmaw ia ka jingkren u Dr. B.R. U Ambedkar u kpa ka Riti Synshar, ba ka riti synshar kam dei tang ka kot nongiasaid ain. Ka long ka kali jong ka jingim bad ka long barabor ban ai ka mynsiem ia baroh ki rta.
Ka la pynpaw ia ki phra tylli ki mat ba kongsan ba la pynrung ha ka Riti Synshar kum ka Ri symnshar paidbah, ka jingngiet niam bad kiwei kiwei.