U Symbud Myntri Rangbah ba khmih ia ka tnat kam pohiing (Police) u Bah Prestone Tynsong hynne ka sngi ula pyntip ki Pulit ki la kem kumba 27-28 ngut ki briew halor ka jingiakynad ha Garo Hills.U Bah Prestone ula iathuh naduh ba sdang ka jingiakynad, ki pulit ki la pynlong ka jingtohkit bad ki la ioh kem ia katto katne ngut.U la iathuh haduh mynta ki jingtohkit ki dang iaid bad na ka liang ki pulit kin leh ia kaba donkam khnang ban kem ia kiwei kiba donkti ban pynshit ia ka jingiapher jaidbynriew hapoh Garo Hills.
“Hoid ki Pulit ki la kem kumba 27-28 ngut hynrei ngam lah ban batai lut baroh. Ai lad ia ki Pulit ban tohkit bad ban leh ia kaba donkam” la ong u Bah Prestone bad bynrap ka jingkem ia ki briew kam dei tang na West Garo Hills bad ki pulit kin leh ia ka ba donkam ia kiba donkti pynshit pyniapher jaidbynriew.U Bah Prestone ula kyntait ban kren halor ki khubor ba ki Pulit ki la kem ia u MDC barim ka Balachanda Constituency u Sofior Rehman.
Haba kylli u Bah Prestone ula kyntait ruh ban kynthoh eiei halor ki ejehar ba la mudui pyrshah ia u MLA barim ka Phulbari constituency u Esmatur Mominin.”Ki la don ki ejahar ki Pulit ki dang bishar ia ki ejahar ha shuwa ban leh eiei” ula ong.
You may also like
-
Pynjlan ka sorkar 6 bnai ia ka samoi treikam GHADC, shimti u Dhormonath Sangma kum u CEM thymmai
-
Ai jingiarap ka KSU ia ki khynnah ha NEIMA Children’s Home
-
Ioh khusnam 11 ngut ki nongialam shnong halor u synniang ba pynioh umdih ha ki thain kyndong
-
Kham noh ka Kong Ampareen ha ka ilekshon MLA 2028 ban ia ka ilekshon MP shiteng samoi
-
Rakhe ka PHE ia ka ‘World Plumping Day, 2026’ ha Mawkyrwat