U Registrar ba dang shimti thymmai ka skulbah North Eastern Hills University (NEHU) la suba ula shah shoh ha ki briew bym ithuh durkhmat bad mynta u don hapdeng ka jingshah sumar ha NEIGRIHMS.
Katkum ka tyllong khubor ba la ioh u Registrar ka NEHU u KC Biswal u dang shu shimti hadien ba la kynnoh ba la thung u Vice Chancellor ka NEHU u Prof Prabha Shankar Shukla bad ha ka janmiet ka 2 tarik katba u dang wan da ka kali, u la shah shoh ha ki briew bym lah ithuh ha ki thain Mawlai Bypass haduh ba u la mynsaw jur.
Katkum ka tyllong khubor, u Prof. KC Biswal u dei uba wan na Tura Campus ban shimti kum u Registrar.
La iathuh ki briew ba tap durkhmat ki la kthong ia u Registrar najan ka NEHU Campus bad dei tad haduh Mawiong ki lap bad ki la shoh la bom ia u ha Kali Tourist na Assam ba u shong.
Hadien la pynkit noh sha NEIGHRIMS hynin ka janmiet bad hadien nangta la rah sha Neuro ka jaka sumar ba bynta jong ka khlieh.
Ki pulit ki dang pynlong ia ka jingtohkit ban lap ia kiba donkti halor kane ka jingjia.
You may also like
-
Ha ka lyngkhuh sngi iap, la plie ia ka PA Sangma Museum ha Tura
-
Ka jingim Khristan khlem u Khrist, ka long kum ka Camera ba shondur khlem thep reel: Rev Marbaniang
-
Pynshai ki Myntri ia ka jingkren halor ka Reservation ha ka sngi rakhe lyngkhuh sngi iap u PA Sangma
-
Iarap ki khynnah NSS ka Khadsawphra ia ka skul Phodtor
-
Ka lawei ka synshar khaddar ka shong ha ki samla