Ka jingialang ba nyngkong jog nak State-Level Insurance Committee la pynlong ha Nagaland hapoh jong ka IRDAI’s State Insurance Plan

Ka Tata AIG General Insurance Company Limited, kawei na ki kompany insurance ba ha khmat eh na ka bynta ka Nagaland hapoh jong ka Insurance Regulatory and Development Authority of India’s (IRDAI) State Insurance Plan (SIP), ka la iashim bynta ha ka sien ba nyngkong ha ka jingialang jong ka State-Level Insurance Committee (SLIC) ba la long ha ka jylla. Ia kane ka jingialang la pyniaid da U Kesonyu Yhome, IAS, uba long u Finance Commissioner, ka sorkar Nagaland, ha kane ka jingialang la iadonlang ki heh ophisar jong ka IRDAI, Tata AIG, ki tnad sorkar bad ki kompany insurance ban iakren shaphang kumno ban pynkhlain ia ka jingrung jong ka insurance bad nang pynbun ia ka jingdon ki briew kiba leh insurance ha kylleng ki bynta jong ka Nagaland.

U Yhome u la pynpaw halor ka jingdon jingma jong ka jylla na ka daw jong bun jait ki jinglynshop ka mariang, ka jingjur u jumai bad ka jingtwa khyndew ha kaba kum kine kiei kiei donkam bha ia ka jingdon jong ka insurance. U la kyntu ia baroh ki tnad sorkar ba ki dei ban peit ia ki jait insurance aiu ba donkam ba kynthup naduh ki kali, ha iing hasem, ki kam karkhana ne MSME, ki jingdon jingem bad kiwei kiwei pat ki jingma bad dei ruh ban peit ia ki lad ki lynti bad pynrung ia ka Nagaland hapoh jong ka Pradhan Mantri Fasal Bima Yojana (PMFBY) scheme bad ban pyntikna ba ka jylla kan ioh ban kynjoh sha ka thong jong ka ri kata ka “Insurance for All by 2047” ynda ba ka ri bad ka jylla kan ioh ia ka Viksit Bharat bad kumjuh ka Nagaland.

U Madhukar Sinha, President, Government & Rural Business, Tata AIG, u la batai ba ka jingtreikam jong ka State Insurance Plan (SIP), ka bynta jong ka kum ka nongai insurance ba ha khmat bad ki sienjam kiba iadei bad ka jingduna ha ki lad jingiada jong ka jylla.

Ki heh ophisar ka IRDAI ki la ai ka jingiaroh ia u Chief Secretary bad ka sorkar jylla namar ka jingtrei ba radbah jong ki ban pyntreikam ia ka SIP bad nang pynkhlain ia ka jingiada lyngba ka insurance. Kane ka jingialang ka la pynpaw ruh ba kumba 1.20 lak ngut ki briew ki la ioh ia ka pisa jong ki kaba la jan kot ₹300 ha kine ki ar snem hapoh jong ka sienjam treikam State insurance, kynthup ia ka Chief Minister’s Health Insurance Scheme, Chief Minister’s Life Insurance Scheme bad ka Digital Piggery Insurance.

Ka komiti ka la rai ban nang pynkhlain ia ka jingpynsngewthuh paidbah shaphang ka district-level insurance khnang ba ka jingtip kan poi lut sha baroh ki briew wat kiba shaduh sha kyndong tam ruh, khamtam ha ki jaka nongnkyndong bad ki jaka kiba kham don jingma. La pynshlur ia baroh kiba ai insurance ba kidei ban iashim bynta shitrhem, ryngkat bad ka sorkar jylla ban pyntikna ia ka jingai jingkyrshan bad ka jingiatreilang.

Ha ka jingialang la nang pynskhem ruh ia ka jingtrei ba radbah jong ka Nagaland ia ka jingangnud ban kynjoh sha ka thong jong ka “Insurance for All by 2047”, da kaba phai khmat sha kaei kaei kaba iar, ka insurance kaba lah ban ioh da baroh bad kaba lah ruh ban kot bor ha kylleng ka jylla.