Wan ka royal enfield hunterhood sha shillong, kaba la pynpaw sha khmat ia ka jingim bad ka iaid ka ieng ha lynti syngkien

Royal Enfield’s super popular street culture platform HunterHood took over Shillong this weekend, celebrating music, culture and raw creative energy in the city long known for its unmistakable cultural identity. Ka Hunterhood kaba la pynïaid da ka Royal Enfield, kaba long ka rynsan kaba paw ban pyni ia ka iaid ka ieng bad ka rukom im ha lynti syngkieng ka la wan sha Shillong ha kane ka sngi saitjaiñ ba la leit, kaba la rakhe ïa ka put ka tem, ka kolshor bad ka sap ka phong ha ka nongbah kaba la ithuh ia ka lah slem lyngba ka kolshor.  La ioh ia kane ka jingmut na ka jingthmu jong ka Royal Enfield kaba buh ïa ka imlang ka sahlang nyngkong, ïa ka Hunterhood la shim dur na ka Hunterhood 350 – ka thuk thuk ba la pynwandur na ka bynta ka jingim ha sor. Ka long kaba stet, kaba suk ban pyndonkam bad kaba lah ban pynpaw ia lade, ka Hunter ka dei na ka bynta ki surok kiba ka ïaid. Ka HunterHood ka wanrah ïa kata ka jinglong na ka jaka ñiah sha ka nongbah, kaba shna ïa ka haka ha kaba ki nongñiah thuk thuk, ki nongñiah skateboard, kiba thaw dur, ki nongshad bad ki nongtem bad ki riew pawkhmat kiba napoh shnong ki lah ban ïaid lyngba kine ki surok ha ki kyndon lajong Man ka nongbah kaba ka Hunterhood ka leit ka thoh ïa la ka jong ka jingiakynduh. Ki sien pynlong kiba ha shwa ha Chennai, Delhi bad Mumbai ki la kham noh sha ki kolshor jong kito ki nongbah kiba la pynlong ïa kane ka tamasa – naduh ka put ka tem bad ki jingkhih shaduh ki dur ki dar bad ki imlang sahlang kiba na kito ki thaiñ – ka la khring ïa shibun ki nongñiah thuk thuk, kito kiba trei shitom, ki nongthaw ia ki jingpyn byrngia bad bun kiwei kiwei ki jingshan bad ki riew ïaid ïa ka rukom im ha ki lynti syngkien ne ka kolshor ha ki surok bad lynti syngkieng ha kane ka jingpynlong jong ka. Man ka jaka kaba ki la sangeh ka la long kaba pher na kiwei kiwei, ki sur kiba ka pynmih ruh ki la long kiba pher, namar ka HunterHood kam ju wan bad ka jingmut ba la buh lypa.

Ka Shillong ka la wanrah ïa la ka jong ka jing shongshit sha kane ka tamasa. Kaba la ïoh nam la slem kum ka nongbah kaba biang bha ha ka liang ka kolshor, ka dei ka nongbah kaba la pynwandur da ki sur tem jong ki riew shimet, ka jingdon jong ki tamasa kiba sharum shaneng bad ka jinglah ban pynsngew ia la ki jong ki jingsngew. Hangne ïa ki lynti ki synkien ym shem la pynkhreh na ka bynta kane ka tamasa; ki long kumba ki ju long, kaba sawa bad kham shongshit ban ia kaba ju long. Ka BMX bad ki jingpyni skateboard ki la ïohi ïa ki nongshim bynta kiba la  sei lut ia la ki jong ki sap ki phong, katba ki jaka lehkai phutbol ha surok, ka jingbuh ia ki basket ban thep basketbol bad kiwei kiwei ki jingialeh ki la nang kham pynkyrpang shuh shuh ia kane ka tamasa.

Ki custom motorcycles ne ki kali ar shaka kiba la shna pynwandur katkum ka jingkwah jong ki nongniah ba la shna da ki JD Customs, la ioh ka jingiathuh namar ka rukom shna ia ki thuk thuk ha kaba la weng noh ia bun ki jingpyndait ki bym donkam bad pynlong thylli ia ka thuk thuk, ka jingpynbha ia ka rukom treikam kan ïa don bynta lang ryngkat bad ki jingpyni skate ba la pynbeit da ka Shillong Skate Mag, ka kynhun ba ju ring dur ïa ka kolshor skate ha ka nongbah. Ka jingshim bad ring ia ki dur ki dark an kynthup ia ki graffiti da ka Mixed Media Art Crew, bad da u nongjop jong ka Art of Motorcycling 2024, u Amit Kumar, ha kaba ka jingpyni ia kine ki jingdro kan pynpaw ia ka riti dustur bad kaei kaei kaba mynta; kan don ruh ka jingpyni ïa ki rukom shad tynrai ne ki indigenous dance forms ba la ïalam da ka Shlem Institute of Music ka ban pynïaid ryngkat bad ki hip-hop cyphers ba la ïalam da ka nongshad ba na ka thaiñ, ka Iamon Kharjana.