Kumba1,428 ngut ki nong India ki sahkut ka Iran na ka jingiakhun bad ka Isreal, na kine 311 ngut ki la wan poi hynne ka sngi sha India da kawei ka liengsuin bad la khmih lynti kawei pat ka liengsuiñ kan poi mynta ka miet ban kit ia ki briew sha India. Ka India pyntreikam da ka Operation Sindhu ban pynkynriah ia ki briew ba sakut ha Inran ka jingiakhun bad ka Isreal.
U nongaiktien ka tnat kam bar ri (MEA) u la ong ha ka post X, “Ka Operation Sindhu ka dang bteng haduh mynta bad 311 ngut ki nong India ki la poi sha New Delhi da ka liengsuiñ ba kyrpang na Mashhad ha ka por 4.30 baje ha ka 22 tarik u Rymphang.“Mynta la pynkynriah noh ïa ki 1428 ngut ki nong India na Iran.” Ha ka miet sngi Saitjaiñ, ka liengsuiñ ka la wan poi kaba la wanrah biang ïa ki 290 ngut ki nong India na Mashhad ha Iran.
Kawei ka liengsuiñ, la khmih lynti ba kan poi ha ka por 11.30 mynta ka miet, bad kan wanrah shuh shuh ïa ki nong India. Ka India, ka la pynlong ïa ka Operation Sindhu, na ka bynta ban pynkynriah noh ïa ki nong India, na Iran bad Israel na ka jingïakynad ba jur hapdeng kitei ki ar tylli ki ri.
You may also like
-
Pynjari kyndon 163 ki bor pynïaid Districtka EJH, ym shah ban ïalum palat 5 ngut
-
Pynshlur u MR ïa ki paidbah ban shim bynta ha ka jingpynkhreh ïa ka mang tyngka
-
Plie u MR ïa ka jaka ïeng kali Automated Multilevel ba nyngkong eh ha ka Jylla
-
Shem jingeh ka Sorkar ban khang dam ïa palat 22 hajar tylli ki par dewïong ba ieh shrah
-
Palat T.817 klur yn pynlut ka sorkar ban siew tulop ia 23099 ki nonghikai