U bah Esron Marwein hynne ka sngi u la pynbna ba un mih ban aireng ha kane ka ilekshon MDC sha KHADC na Nongthymmai konstiwensi kum u kyrtong shimet. Haba kren sha ki lad pathai khubor u bah Marwein ula ong, ba ka jingmih madan jong u ban iakhun ia kane ka ilekshon MDC, ka dei halor ka nongrim ba ka District Council kan nangmih ki sngi ka jinglong jingman ka la nang hiar bad nang tlot bor. U bah Marwein ula ong ba katkum ka jingwad bniah jong u halor ka jingtlot bor ka District Council ka dei namar ba don ka ka Para 12 (A).
“Ka jingmih madan jong nga ban iakhun ia kane ka ilekshon MDC ka dei halor ka nongrim ban weng ia ka Para 12 (A). ka jingdon kane ka kyndon ka la pyndkoh ia ka rukom treikam ka District Council,” ong u bah Marwein. Ula ong namar ka District Council haduh mynta kam pat lah ban synshar hi ia lade da lade, hynrei la tuklar da kiwei ki bor. Ka rai jong u ban iakhun kum u kyrtong shimet ym na kiwei ki party, ka long namar ha District Council kam don ia ka ain ban tehlakam ban kyntiap seng.
“Ha District ynda la jop lah ban phet shano shano, ta ka daw nga iakhun shimet namar ba lada iakhun party ne iakhun shimet ruh hadien habud ki kynthih na kawei ka party shawei kawei, namar bym don ka ain kyntiap seng ” ula bynrap.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party