U Myntri ka sorkar jylla u Abu Taher Mondal ula ong ba ka jingkieng ha wah Brahmaputra kaba pyniasoh na Dhubri sha Phulbari, ka la iaid shaid shaid ka jingtrei mynta bad la buh thong ba ha u snem 2028 yn lah ban shna pyndep ia kane ka jingtei. U Mondal ula ong ba kane ka jingkieng kaba jrong 19.3 na Dhubri – Phulbari kan pynlyngkot ia ka jingjngai ban iaid kyllain haduh 200 km eiei bad kan pyniasoh ia ka surok sha Dhubri na Tura ka Meghalaya lyngba ka surok sha Nongstoin.
U Myntri ula ong ba kane ka surok la thmu ban shna kum ka surok ka NH-127 kaban iasoh na Serampur, West Bengal sha Nongstoin. Ka jingjngai kan long kumba 400 km bad kumba 300 km kan hap ha Meghalaya. Katkum ka jingong u Myntri, ynda la dep ia kane ka jingkieng, ka jingbunkam jong ka, kan long kaba jur bha namar ba ki kali kiban leit sha Guwahati, sha Meghalaya na kylleng ka ri khamtam na West Bengal kin pyndonkam ban iaid lyngba na kane ka surok.
“Ynda la dep shna ia kane ka jingkieng, kan khie ka kamai kajih jong ki briew ha kaba kan pynsuk ruh ha ka leit ka wan na Meghalaya, Assam sha West Bengal,” ong u Mondal.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad