Ka kynhun Myntri Sorkar hynne ka sngi ka la mynjur ia ka ‘One-Time Condonation’ ne tang shisien ban ithuh ia ka jingkyntiew kyrdan ia ki nongtrei Adhoc ba la thung kam pura shwa u snem 2007.
Haba iakren bad ki nongthoh khubor u Myntri Rangbah ka jylla u Conrad K Sangma ula ong, “Ka kynhun Myntri ka la iakren halor ka jinglong jingman ki nongtrei Adhoc ba la thungkam pura kiba la rangbah bad kumjuh ban kyntiew kyrdan. Ngi lah dep thungkam pura ia ki nongtrei Adhoc ha shwa u snem 2007 bad ngi la kyntiew kyrdan ha ki kam”.
U la iathuh namar ka jingbym shai ka rekod ha ka jingshakri ia ka kam ka la pynslem ban ioh bai bam tymmen ne Pension, namar u Accountant General u pan jingpynshai la kin ioh jingmyntoi naduh ba sdang trei ne hadien ba la kyntiew kyrdan ha ki kam.
U Conrad Sangma ula ong, “Ka don katto katne ka jingbym shai bad kumta ngi lah rai ban thung kam pura noh ia kiba la kyntiew kyrdan, khamtam kiba la shah kyntiew kyrdan katkum ka Service Rules katkum ka lynti treikam, ban bud ryntih na bynta ki nongtrei Adhoc. Ngin ai lad tang shisien ne ka One-Time Condonation bad ki nongtrei kin ioh tulop katkum ka jingshah kyntiew kyrdan ha ki kam”.
You may also like
-
Kyntait u Bah Brightstarwell ia ka khubor ban iakhun u Bah Ardent na Mawlai
-
Ki kynthei ha Jylla ki nongiada ia ka khyndew bad noh synniang ia ka rep ka riang
-
Ha Nongkhyllem la pyllait ia u khla Thapbasim bad Kyrbei
-
Ioh khusnam ‘Lifetime Achievement Award’ u Dr RS Thangkhiew halor ki kam ai jingsumar
-
Shah kem uba thmu leit Delhi ha kad liengsuin Imphal ba kit drok