Shi miet 4 tylli ki thuk thuk rong ki nongtuh na thain Mairang

Ka jingjyllei ka jingshah tuh ki ar shaka ka la nangjur katba dang mih ki sngi bad ha ka miet jong ka 1 tarik bad step 2 tarik uïaiong 2026, saw tylli ki ar shaka ba kynthup ïa artylli ki bike bad ar tylli ki scooty ki la shah rong tuh na ka shnong Pyndengumïong Mairang. Kine ki ar shaka bala shah tuh ki dei kawei na ka dong Lumiew, kawei na ka dong Umwiehsup, kawei na dong Lummaralong bad kawei najan ka SBI Mairang Branch.

Ha ka kyrwoh ba la phah da u Superintendent of Police ka Eastern West Khasi Hills District u bah Dangsan Khyriem, ula ïa thuh kane ka jingshah tuh ki 4 tylli ar shaka ka dei ha ka por 10 baje shaneng ka 1 tarik u ïaiong 2026 haduh por 2 shiteng ka step ka 2 tarik u ïaiong, 2026.

U Superintendent of Police ka Eastern West Khasi Hills District u bah D.Khyriem u la kyntu ïa ki trai kali bad ki trai ar shaka ba katba lah ki dei ban kiar na ka jingpynieng kali ne ar shaka ha ki jaka kyndong ne ki jaka kiba ki nongtuh ki suk ban tuh, ki dei ban khang bha, ki dei ban pyndait CCTv Camera, ki dei ban pynieng ha ki jaka ba shai jingthaba, kim dei ban buh ïa ki kot original jong ki kali ha ki kali jong ki bad ki dei ban buh GPS Tracking Device. U la kyntu ïa ki nongshong shnong ba kin peitngor bha lada don ki briew kiba I artatien kiba iaid ba ieng ha shnong bad ki dei ban pyntip sha ki pulit ba jan tam lane phone ha u Emergency Helpline 112 bad Police Control room 7629981814.