U Myntri ka tnat Pule Puthi u Bah Lahkmen Rymbui ula pynpaw ia ka jingbym sngewtynnad halor ka jingiabeh ban wan sha sor kum Shillong, Jowai, Tura na ka bynta ki jingpule kiba shajrong watla ki don ki stream ne lain pule ha ki college kiba don marjan bad ki. Haba kren shaki lad pathai khubor u Bah Lahkmen u la ong “Kane ka dei kaba pynduh mynsiem ia ngi kum ka Sorkar Jylla”.
U Bah Lahkmen ula kyntu ia ki khynnah skul ba kin pyndonkam ia ki college ba don marjan bad ki, haba ai nuksa kum ia ka Khraw Sing College ha Mawphlang, Patharkhmah bad Nongtalang.“Ngi la kynshew pisa…kumta, sngewbha pyndonkam ia kine ki jaka pule na ka bynta ki jingpule jong phi” ula kyntu. U Myntri ula ban jur ba ki jingkynshew ha ka pule dangle ka dei kaba wan na ka pla tyngka ka Sorkar, ym ka song pisa shimet.
“Shisien ba ngi kynshew pisa, kam dei satia na ka pla u Bah Lahkmen, ka dei na ka pla tyngka ka Jylla” ula ong haba maham ba ka jingkiar ia ki college ba marjan ka lah ban lah sha ka jingtheh ia ka pisa tyngka tang ha ki katto katne ki jaka sor.