Ha ka jingjia aksiden ka la jia tang namar ka jingshoh khawiang, ar ngut ki briew ki la mynsaw jur bad 2 kiwei ki la mynsaw malu mala hadien ba kawei ka kali kit pisa (ATM) ka la leit tynrah ia ka Maruti Ignis, kane ka la jia mynta ka janmiet ha surok bah National Highway 06 ha Umling, Ri Bhoi District.
Katkum ka khubor ba la ioh lum, la iathuh ba kane ka jingjia ka la jia hadien ba kawei ka kali kit pisa ba don u number ML 05 H 7246 kaba la pynher sted bha da u nongñiah u ba la iaid ruh na ka liang bym dei (wrong side) ka la leit ban tynrah ia kawei ka kali Maruti Ignis kaba don ia u number ML 10 B 6053 bad ha kane ka jingjia saw ngut kiba shong ha kane ka kali ignis ki la mynsaw, 2 ngut ki la mynsaw jur.
Ia kine kiba mynsaw la iarap ban pynkit noh da kawei ka kali ambulance sha Nongpoh Civil Hospital ban ioh ia ka jingsumar bad na ka liang ki bor pulit ka Nongpoh Traffic, ki la poi marmar sha katei ka jaka ban pynlong ia ka jingtohkit.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah