Ka Birla Studio, ha ka jingiatreilang bad ka Vodafone Idea Limited, ka la pynmih ia ka ‘Reel Se Real Star’, kaba la wanrah ia ka jingkylla ha ka ioh ka kot na ki rynsan pynbyrngia sha kaei kaei kaba lah ban long lyngba ka digital, kaba kyrpang ruh ban wad ia ki sap ki phong. Kane ka rynsan ha mobile a nyngkong ka thmu ban pynduna ia ki jingpynwit ban rung, kum ka jaka, ka jingduna ha ki lad, bad ka jingshaniah ha ki network, ka ban nang pyniar ia ki jingmih jong ki sap. Da kaba shim kabu ia ka jinglah ban pynpoi ia ka digital kaba 200 million ki nongpyndonkam ia ka Vodafone Idea lem bad ka rukom shna jingshna jong ka Birla Studio, kane ka jingsdang ka long kaba la buh ban thaw ia ka lynti kaba lah ban pynpaw ia ki sap ki phong ba pher ba pher. Kane ka app kaba long ruh kum web ka ailad ia ki nongpyndonkam ba ki lah ban thep ne upload ia ka jingpynsap ka jong ki, kaba la pynduna ia ka jinglut kaba ju mad haba hap ban leit hi sha ki rynsan pyni sap ban shah jied. Shuh shuh, ka jingdon jong ki jinghikai na ki direktor kiba la paw bad ki riew shemphang kiba lah ban nang pynkiew ia ka jinglah jong kane ka rynsan ban pynmih ia ki sap ki phong kiba la pynkhreh lypa na bynta kane ka liang.
U Ananya Birla, u nongshem bad u shongknor jong ka Birla Studio, u la kren shaphang ka jingdonkam ban bteng ia ka jingduna ha ka liang dijital katba u CEO jong ka Vodafone Idea u Abhijit Kishore, u la pynpaw ia ka bynta jong ka jingpyniasoh ha ka ban plie ia ki lad iashimbynta ha ki jaka sor bad nongkyndong. Ki nongjop kin ioh ban ak ha ki phlim, kaba pyni ia ka jingioh pisa kaba beit bad ki lad ioh kam ha kane ka ioh ka kot. Ia kane ka rynsan la khmih lynti ba kan mih ha ka Vi app ha kine ki bnai ki ban wan, bad ki jingpynrung kyrteng ki dang plie mynta.
Ha Shillong, kane ka jingpyrshang ka pyni ia ka jing nang kiew jong ka jingpyndonkam ia ka dijital bad ka jingangnud ban pyni ia ki sap ba tbit ha kane ka sor kaba dang rit. Lem bad ka jingkiew ha ka jingpyndonkam ia ki phone bad ka jingiashim bynta jong ki khynnah samla, ka Shillong ka long kum ka tyllong jong ki sap ki phong ba bun. Ki rynsan kum ka Reel Se Real Star ki lah ban iarap ban pynrung ia ki sap ki phong jong ka thain sha ki iew kiba kylleng ka ri, ka ban noh synniang sha ka kam shna jingshna kaba kham jylliew bad kaba kynthup ia ka ioh ka kot.
You may also like
-
Truecaller: Ka app kaba la pyndonkam da palat 500 Million ngut ki briew ha kylleng ka pyrthei, ha kaba la tei da ka jingbuh ia ka India ha khmat eh
-
Pyndep ka MSE ia ka jingthung ia ki Market Makers na ka bynta ka Equity Segment ne ka khuid ka suba ha ka kam
-
Ka sngi kut jong ka Bajaj Finserv Dhuniverse ka ban sa long ha ka 31 tarik Lber ka ban pynkup burom ïa ka ‘Sur jong ka Ri’ ne ka ‘Voice of the Nation’
-
Ka screen academy ka la pyllait ia ka thup kyrteng jong ki phlim ba la shah jied ban pyni ha ka lympung jong ka Chetak Screen Academy ceremony kaban sa long
-
Ka Indus Towers ka wanrah ia ka jingpynbha ia ki Hygiene Infrastructure na ka bynta ki khynnah skul kynthei ha ki Skul Sorkar ha ka Jylla Meghalaya