U Myntri Rangbah ka Jylla u Conrad K Sangma hynin ka sngi Saitjain, ula pynkup burom ia ki 41 ngut ki khynnah skul kiba don jingduna ha ki dkhot met na kylleng ka rilum Khasi bad Jaintia, kiba Pass ia ka eksam Secondary School Leaving Certificate (SSLC) 2026, ha ka jingialang ba la pynlong da ka tnad Social Welfare ka Sorkar Jylla.
Ha kane ka jingpynkup burom ia kine ki khynnah la wan iashim bynta lang u Myntri ka pule puthi u Bah Lahkmen Rymbui ki ophisar ka tnad Social Welfare bad kiwei ba shah khot sngewbha. Haba ai jingkren u Conrad Sangma ula ong, “Naduh ka sngi Thohdieng, ngi lah pynkup burom ia ki nongjop bad mynta ngi lah ioh biang ban rakhe ia ka jingjop jong phi bad ia ka jingshlur jong phi” bad ula bynrap mynta phi baroh phi la lah ban pynshisha ba phi long kiba don dor bad phi lah ban iakhun ia ki jingtynjuh bad ia ki jingeh ba phi lah mad.
U Myntri Rangbah ula kyntu ia ki khynnah ba pass bha kiba don ha kane ka jingrakhe ba ki dei ban bteng ban trei shitom da ka jingkut jingmut ha ka nongrim ban kiew shakhmat. U Myntri Rangbah ula sam ruh ka song pisa ban iarap ia ki khynnah bad ula pynbna ban kyrshan ia kine ki khynnah ka kyrdan Higher Secondary da ka Chief Minister’s Secretariat.
You may also like
-
Nga dang ap ka rai ki paidbah nongkyrshan ban iasoh Party
-
Shim bynta palat 18 spah ki ‘rang bad ki ‘thei samla ha ka Shad Suk Mynsiem
-
Ka Shillong Medical Kolej ka la treikam wat la ym pat plie
-
Kem pang ki nongshong shnong ba jaboh ka um, dawa ka DS Dymmiew ia ka tnat PHE ban jurip
-
Khang khyrdep ar tylli ki skul Presbyterian bym don khynnah pule