Ki MDC ka VPP na Khasi Hills Autonomous District Council (KHADC) bad Jaintia Hills Autonomous District Council (JHADC) hynne ka sngi ki la leit ban ai jingkyrshan ia ka jingshong shah thngan jong u Chairman ka Green Tech Foundation (GTF) u bah B Nonglang ha madan Malki, ban pyrshah ia ka jingthmu jong ka sorkar ban aiti ia ka jaka ha Lumpongdeng, Umiam sha ka kompeni na bynta ban tei ia ka 5 star Hotel.
Haba kren sha ki lad pathai khubor, u MDC ka Mawthadraishan u bah Powell Sohkhlet ula ong ba ka party ka ai ka jingkyrshan kaba tyngeh ia kane ka jingiakhih jong ka GTF kaba ieng na bynta ban iada bad pynneh pynsah ia ka mei mariang.
U bah Powell ula buh jingkylli halor ka jingkwah ka sorkar ban tei ia ki Hotel ha kylleng ki jaka khamtam ha pung Umiam kaba dei ka jaka pyllang um bording bad ka jaka kaba ki paidbah ki im na ka kam tong dohkha.
Ha kajuh ka por ula ther ia kane ka sorkar namar ha ka kyrteng jong ka ioh ka kot bad kam jngohkai, ka la pyrshang ban pynbiej ia u paidbah.
Ula ong ba lada ka sorkar ka iaid beit shakhmat ia kane ka jingthmu, ka party kan pyllong ia ka jingiakhih paidbah ban pynbor ia ka sorkar ban pynduh noh ia kane ka projek.
Dang shen ka sorkar ka la pynshai ba kan ym don kano kano ka jingpom ia ki dieng bad ka jingtei ia ka iing basa kam dei kaba neh shirta hynrei kan long tang ka jingitynnad kumba long ka Nan Polok ne ka Wards Lake.
Halor kane u bah Powell, ula ong ba ka jingpom dieng ka la iaid bad ka paw pyrthei pyllein bad kane kadei tang ka jingthmu ban pynbiej ia u paidbah bad ban pynriewspah ialade da kaba die lilam ia ka khyndew ka shyiap bad ka jingitynnad jong ki sawdong sawkun ka mariang.
You may also like
-
Plie ar tylli ki surok ha Rilbong, ka Polisi thymmai, ong u Bah Sanbor
-
Ki Polisi ka sorkar ha ka ‘Food Processing’ ban ym duhnong ki nongrep, ong u Chirag Paswan
-
U Himanta un wan phai kum u MR, ong u Bah Sanbor
-
Pyrshah ka MEMRIWU ban ai ha ki kompani shimet ia ki 108
-
Na u CEM dawa ka HYC bym dei ban pynthymmai ïa ki laisen bar jylla