Ki pulit ki la kem ia 3 ngut ki samla ba donkti ban tuh ia kawei ka suloi .303 rifle jong u Home Guard ka MCCL Sohra.
U Superintendent of Police ka East Khasi Hills ula pyntip ha ka 11 tarik u Iaiong, uwei u Home Guards uba ap pahara ha ka karkhana MCCL ula ujor ejahar ha Sohra PS bad pyntip ba ka suloi .303 rifle ka la jah rngai na jaka buh.
Ki pulit ka Sohra ki la rejistar mukotduma katkum hapoh ka Case No. 10/2026 u/s 305 (e)/ 324 (3)/ 331 (3) BNS bad pynlong ia ka jingtohkit bad ha ka janmiet jong ka sngi Baar ki la ioh kem ia ki ar ngut ba suba donkti ban tuh ia ka suloi kynthup ia u Shaiborlang Jyrwa 21 snem na Marai Thymmai, Sohra bad u Sawbor Sooting 20 snem na Mawkisyiem, Sohra ban pynlong ia ka jingtohkit.
Ki pulit ki la iathuh ki ar ngut ki la phla ba ki la shim ia ka suloi .303 rifle na ka Administrative Building jong ka MCCL bad ki la leit ban buh rieh ha iing jong ka Kong Alpha Mary Jyrwa Nongseij, kaba dei ka kmie ieid jong u Shaiborlang Jyrwa, ha Mawkisyiem, Sohra.
Hadien ki pulit ki la pynlong jingtohkit bad wad ha kane iing ba la ialam da kitei kiba la shah kynnoh bad ki la lap ia ka suloi .303 rifle ba don ia u nombar 3709740 na ka iing kaba don ha Mawkisyiem, Sohra.
Kumta ki pulit ki la kurup noh ryngkat ka jingdon ki nongsakhi.
Hadien ki pulit ki la rah ia u Teilang Sohkhia 19 snem na Marai Thymmai, Sohra bad la kem ia kitei baroh 3 ngut bad lashai ka sngi yn rah ha iing kashari ban bishar.
You may also like
-
Bat ka KSU ia u bar jylla ba jrong kti ia ka samla ba leit thied dawai
-
Kop ka BJP ban ioh ‘Ar Digit’ ha ka ilekshon MLA 2028
-
Nga dang ap ka rai ki paidbah nongkyrshan ban iasoh Party
-
Shim bynta palat 18 spah ki ‘rang bad ki ‘thei samla ha ka Shad Suk Mynsiem
-
Ka Shillong Medical Kolej ka la treikam wat la ym pat plie