Ka Hynnlñiewtrep Youth Council (HYC), ka la leit ban wah da ki Flex bad Banner ha surok ka lad ban leit sha Lumpongdeng, Umïam.
Kane kadei kum shibynta ban pynpaw ïa ka jingai jingkyrshan ïaka Green Tech Foundation kaba pynlong iaka jingshah thngan ha madan Malki ban pyrshah iaka project jong ka tnat Tourism.
Haba kren sha ki lad pathai khubor u Bah Shanbor Marweiñ u la ong ba ka jingbym sngap ka Sorkar Jylla halor ka jingdawa ka GTF, kadei namar ba ka la dep ban shim ka pisa na ki kompani heh spah ban tei ïa ki Taj Resort & Spa ha dewlynnong Lumpongdeng.
U Bah Shanbor u la pynrem jur ïa ka Sorkar ba ka sngap mynthi halor ka jingdawa ba shong nongrim jong ka GTF, da kaba bynrap ba ka jingwan rah ïa ka Spa ha ka Jylla ka long ka bym ïahap bad ka imlang sahlang ruh kam lah ban pdiang.
U la ong ruh ba lada ka Sorkar kan dangsngap mynthi ïa kane ka jingdawa ka GTF ka HYC kan don ha syndah bad ka, bad kaei kaba ka GTF ka shim rai ka HYC ruh kan bud ïakata.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah