Ka Sorkar Jylla ka la pynkreh ban pynduna ia ka dor tender na bynta ka Polo Market Complex bathymmai hadien ba kam lah ban khring ia ki nongthep tender wat hadien ba pynlait tender la bun sien. Ia kane la pyntip da u Symbud Myntri Rangbah ba khmih ia ka Urban Affairs u Bah Sniawbhalang Dhar. Haba kren sha ki lad pathai khubor u Bah Sniawbhalang ula ong, “Ngi la pynmih jingpynbna haduh lai-saw sien hynrei ym don mano mano ba kwah. Kumta mynta ngin hap ban pynlait tender biang. Ngi la dep pyllait lai sien ia ka jingpynbna hynrei ym shym la don ba wan thep tender ”.
U Bah Sniawbhalang ula pynpaw ba ka dor ba la buh da ka Sorkar ka lah ban pynkiar ia ki nongthep tender ban iashim bynta. “Imat ka dor ka la kham heh kumba la buh da ka Sorkar hynrei mynta ngi la pyrkhat ban pynhiar noh khyndiat khnang ba ki briew kiba kwah pyniaid ia kane ka Iew kin wan shakhmat”.
“Ia ka Iew Polo la khmih da ka Shillong Municipal Board bad ngim pat shym la sdang pyntreikam, namar ngi dang ap ia ki briew ba kin wan shakhmat katba ngi dang pyniaid ia ka tender” ula bynrap. Ula bynrap ka rukom pyniaid ia ki kam ka long kaba shai bha. “Kata kiba thong kham heh kin ioh ia ka kam”.
You may also like
-
Pynshna iing ki nong Germany ia ka longing baduk ha Khliehmyntriang
-
Khynra kali ki pulit ha sor Shillong, ioh lum kuna palat T.2 lak ba pynkhein ain
-
Lap ki pulit ia ka nonghikai ba jah na Guwahati ha Shillong
-
Iaid paidbah ha BJP ha Shillong, pynrem ia ka Congress bym kyrshan ia ka Womens Reservation Bill
-
Dawa ka HANM ban pynkhlain bor pahara ban shngain ki paidbah ha khappud