Ha ka miet synnia jong ka 21 tarik Ïaïong ha ka por kumba 1:00 baje mynstep, ka eriong kaba jur ryngkat u slap ka la wan lynshop ïa ka shnong Mawlangbah ha ka thaiñ Rambrai, West Khasi Hills District bad ka la pynjulor shibun ki jingtei ha katei ka shnong.
Katkum ka jingïathuh u Sordar ka shnong Mawlangbah ka la shah pynjulor haduh kumba 20 tylli ki ïing kynthup ka ïingmane jong ka Balang Presbyterian Mawlangbah bad ka ïing skul Mawlangbah LP School. Shibun ki ïing briew ruh ki la pra bad julor na ka jingjur jong ka lyer.
Ha kane ka jingjia, saw ngut ki dkhot jong kawei ka longïing ba kynthup ïa u Bah Carmelius Lyngdoh 37 snem, ka kurim jong u Kong Bisdalin Kharbani 30 snem bad ar ngut ki khun jong ki, u Ribok Kharbani 13 snem bad u Shngainbor Kharbani 9 snem ki la mynsaw ha katei ka jingjia.
Shuh shuh la ong ba namar ka jingshitom jur la pynkit noh ïa u Bah Carmelius Lyngdoh bad u khun jong u, u Ribok Kharbani sha Shillong ban ïoh ia ka jingsumar ba kham bha.
You may also like
-
Buh mawnongrim T.1,246 klur ki project kam pynroi
-
Kam ka jylla ia ka jingjop ba lah pynkha khun ia u mrad na Aizawl
-
T.1,479 klur mang ka 16th Finance Commission ia ka MLRC
-
Hiar jurip ki Myntri ia ka jaka ban tei mot Kiang Nongbah ha Jowai
-
Mynjur ka sorkar ban thaw ‘Mining Policy’ na bynta ki par dewiong barit