Ha ka miet synnia jong ka 21 tarik Ïaïong ha ka por kumba 1:00 baje mynstep, ka eriong kaba jur ryngkat u slap ka la wan lynshop ïa ka shnong Mawlangbah ha ka thaiñ Rambrai, West Khasi Hills District bad ka la pynjulor shibun ki jingtei ha katei ka shnong.
Katkum ka jingïathuh u Sordar ka shnong Mawlangbah ka la shah pynjulor haduh kumba 20 tylli ki ïing kynthup ka ïingmane jong ka Balang Presbyterian Mawlangbah bad ka ïing skul Mawlangbah LP School. Shibun ki ïing briew ruh ki la pra bad julor na ka jingjur jong ka lyer.
Ha kane ka jingjia, saw ngut ki dkhot jong kawei ka longïing ba kynthup ïa u Bah Carmelius Lyngdoh 37 snem, ka kurim jong u Kong Bisdalin Kharbani 30 snem bad ar ngut ki khun jong ki, u Ribok Kharbani 13 snem bad u Shngainbor Kharbani 9 snem ki la mynsaw ha katei ka jingjia.
Shuh shuh la ong ba namar ka jingshitom jur la pynkit noh ïa u Bah Carmelius Lyngdoh bad u khun jong u, u Ribok Kharbani sha Shillong ban ïoh ia ka jingsumar ba kham bha.
You may also like
-
Pynkhreh ki MLA ka UDP ban leit iasoh BJP sha Delhi ha ka jingdonlang ki Myntri sorkar Pdeng
-
Ka jingweng ia ka ‘Nofication’ ka pynpaw ba don jingbakla halor ka SPF, ong ka VPP
-
Shah kem 2 ngut ba tynrah ia u Addl SP Traffic
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong