Ka Gokula Education Foundation (Medical) ka la plie sa ia ka RISM

Ha ka jingtreikam kaba shim ia ka rai kaba radbah ban pyniasoh ia ki jingpule ban long kiba iahap bad kane ka pyrthei bad kumjuh ruh ha ka liang ban pyntbit ia ki sap ki phong na ka bynta ka lawei ban wan, ka Gokula Education Foundation (Medical), kaba pyniaid ia ka Ramaiah University of Applied Sciences, Ramaiah Medical College, bad ka Ramaiah Memorial Hospital mynta ka la iatreilang bad ka University at Albany, State University of New York, kaba long ka shlem ai jinghikai ba ha bha tam ha ka liang ban wad bniah shaphang ki paid bynriew, ka la pyllait mynta ia ka Ramaiah Institute of Science and Management (RISM), ka jaka pule kaba la ioh jingbit ban long kum ka skulbah ha Bangalore. Da ka jingangnud ban long kum kata ka shlem ai jinghikai ha ka STEM bad Management ka pateng ban wan, ka RISM kan ai ia ki jinghikai kiba don ia ka thong kaba khraw kaba iaryngkat ba ki ri ka pyrthei, ki jingpule kiba iahap ruh katkum ka jingkwah jong ki karkhana da kaba ban jur halor ka jingwad bniah bad kumno bay n lah ban pyndonkam ia ki jinghikai ha kane ka prythei bad pynkhreh ia ki samla pule na ka bynta kane ka pyrthei kaba kiew sted. Kane ka skulbah kan sdang ia ka samoi pule ba nyngkong jong ka ha u bnai Nailar 2026.

Da kaba tei halor ka jingjop ha ka jingai jinghikai, ka jingwad bniah, bad ki lad ai jingsumar mynta la hynriew phew snem, ka Gokula Education Foundation (Medical) ka la pyniar ia kane ka jingtbit jong ka lyngba ka RISM, ban saindur thymmai ia ka jingpule ba kham shalor da kaba buh ha khmat ia ka jingdawa ka pyrthei, kumjuh ki jingpule kiba iahap bad ka jingdawa jong ki karkhana. Ha kane ka skulbah ki kyrdan pule ba la tyrwa ki kynthup ia ka undergraduate, postgraduate, bad doctoral programme ha ki bynta jong ka jingpule ia ka engineering, business, bad science discipline, ha kaba ki don ruh ki jingpule kiba la don lypa ba kynthup ia ka B.Tech ha ka Computer Science bad Artificial Intelligence, Aerospace Engineering, bad Electrical Sciences, ryngkat ka BBA bad MBA programme. Ka iing pynwandur ia ka rukom ai jinghikai kadei kaba la leh da ka jingaitreilang bad kito kiba la iatehlok la ka long ha ka liang ki karkhana bad kiba iadon bynta ha ka pule puthi, kaba la wanrah ia ka rukom pule kaban iahap lang, ka jingbei tyngka da ki karkhana ia ki shlem pule kiba tbit ne ki Centres of Excellence, bad ka jingailad ban ioh ban trei ia ki kam lyngba ka jingleh ia ki internship, bad ka jinghap ban leh ia ki kam ba la btah khnang ba yn pynlong ia ki samla pule ba kin don iaka jingtbit kaban iahap bad kane ka pyrthei. 

Ha RISM, ka jingiahap ne ka “Relevance” yn sa lah ban pynlong ia ka sha ka nongrim lyngba ka jingbuh lang ia ka kam khaii ne business bad ka rukom ban pyniaid ia ka ne management ha baroh ki jingpule. Man la ka jingpule ne ka course naduh kaba sdang ban don beit ia ka bynta kiba iadei bad ki karkhana, ban pyntikna ba ka jingpule kan long kaba lah ban pyndonkam bad kan dei ka jingpule kaba don ka jingmih. Ki samla pule kin ioh ban iatreilang bad ki nonghikai kiba long ki nongai buit ne ki ‘Mentor Professors,’‘Professors of Practice kiba napdeng ki nongialam ba rangbah ha ki karkhana kiban don ha man la ki jingpule kum ki nonghikai jong ki, kaba long ruh kum ka sien ba nyngkong ban leh ia kum kane kaei kaei. Haba ai jingiaroh ia kane, ka jingwadbniah shaphang  jingkylla ktien kadei kaba la bat skhem ia ka rukom treikam jong ka skulbah, kaba la saindur lang ia ka rukom pule bad ki jingmih kiba mih na ka. Da kane ka rukom treikam, ka jingthmu ka RISM ka long ban thaw ia ka rukom pule ha kaba ki jingtip kiba iadei bad ka karkhana, ka jingbniah ha ka pule puthi bad ka jingwad bniah ia ki jingkylla ktien ki iaid ryngkat khlem kino kino ki jingthut.

Haba kren shaphang kane ka jingpplie ia kane ka jingpule, U GurucharanGollerkeri, Executive Director bad Chief Strategy Officer, Gokula Education Foundation (Medical) u ong, “Ngi treikam ha ka bynta kaba kylla sted bha, kaba don ka jingiadei bad ki jingdon kam ka pyrthei ha kaba ki jingkah kiba don ha ka rukom long, ki karkhana bad ki jaka outa suki suki ki la sdang ban jah. Ka rukom ai jinghikai kiba kum ka juk ba mynshwa kim long shuh kiba biang ban pynkhreh ia ki samla na ka bynta kane ka jinglong kaba mynta. Da ka RISM, ngi la lah ban weng ia kane ka jingkylla da kaba thaw ne wanrah ia ki jingpule kiba don lang ka teknology. business, bad ki jingpule kiba lah ban pyndonkam ha ka rukom ban iahap bad kumno ka pyrthei ka treikam bad ka nang kiew. Katba ka iew iohkam iohjam ka dang long kaba eh, ka jingphai khmat jong ngi ka long ban nang pynkhlain ia ka jingtip, ka jinglah ban pyrkhat bniah bad ka jinglah ban pule ha ka rukom ban iahap bad ki jingdonkam, bad kumta yn pynbiang ia ki samla pule ym tang ba ka bynta ban ioh kam ioh jam ha kine ki sngi ba mynta, hynrei na ka bynta ka lawei kaba ym lah ban batai ha kaba tang ka jinglang ban iai pule bad lah ban pyniahap bad ki jingkylla kaban wanrah ia ka jingjop.”