U President ka Meghalaya Pradesh Congress Committee (MPCC) u Bah Vincent H Pala ula kyntait ba kan don ka jingkylla ia ki nongialam hapoh ka MPCC bad pynpaw ka samoi treikam jong u kan kut haduh u 2028.
Haba kren sha ki lad nongthoh khubor u Bah Pala ula ong, “Ka samoi trei kam jong nga kan kut haduh u 2028. Hadien ka ilekshon MLA, kata ha u 2028 ngi hap ban jied ia ki nongialam ba thymmai”.
U Bah Pala ula pynpaw kano kano ka rai halor u President bathymmai ka MPCC yn sa shim da ka jingmynjur lang ka party.
Ula bynrap ka Congress kam duna ia ki briew ban ialam ia ka party ha Meghalaya.
“Hoid, ngi don bun ki nongialam ha Congress. Ngi don ka Deborah Marak, ka nongialam ba la rangbah bha, ngi don ruh ia u Saleng A Sangma uba dei u MP ka Tura, ngi don ia u Bah Manuel Badwar, Secretary ka MPCC, ngi don ruh bun ki District President. Kumta, ngim don jingduna satia haba phai sha ki nongialam” ula ong.
Halor ka jingkylli ula kyntait ban iathuh mano ban shimti ia ka kam President ka MPCC hadien jong u.
You may also like
-
Thung kam u Najir ha SAD ia kiba iadei khlem interview: KHNAM
-
Wat khuslai don 334 ki petrol pump pahuh umphniang bad tyndong shet jingshet, ong ka swati
-
Dang ap kaiphod na ka ‘Delimitation Committee’ ban pynlong ilekshon GHADC: Prestone
-
Lah ban leit phai u Bah Renik sha ka NPP, shen yn pyniasoh ki nongialam UDP
-
Ko nonghikai baieid, wat shah ialam bakla ha u briew ba deng iit khmat iong: Lahkmen