Ki nong India ki phai sha Asia na ka bynta ki jingleit jnoh kai pyrthei jong ki mynta ka lyiur khamtam ha ka jingbun jong ki nongjngoh kai Gen Z: ki jingioh jingtip na ki Airbnb  

Ki nongjngoh kai ba na India ki nang phai sha ki jaka ha Asia na ka bynta ka jingleit jngoh kai jong ki mynta ka lyiur, ki nongbah kum ka Osaka, Tokyo, Busan, Kuala Lumpur bad Bangkok ki la long kiba ha khmat ha ka jinglong jingman jong ki jingwad, katkum ki jingioh jingtip ba thymmai ba la mih ha ka 21 tarik Iaiong, 2026. Kane ka jingkylla ka pyni ia ka jingkiew ha ka jingkwah ia ki jaka ba kham jan na iing kiba don ha ki ia ka kolshor kaba ia jan bad la ka jong, ka jingiadei, bad ka por leit por wan kaba lyngkot.  Kane ka kaiphod ka pyni ia ka jingkhlain ka jingkhring jong ki nongleit nongwan kiba dei ki Gen Z, kiba don haduh 40% na ki jingwad jaka ha ka por lyiur kaba la jan kot sha ka 60% na ka snem sha ka snem. Kane ka kynhun ka nang jur ia ka jingthmu ban leit jingleit ha ki por ba don ki tamasa, ki lympung ka put ka tem ka rwai ka siaw bad ki jingwad ia ki jingbam bapher bapher, kaba la saindur thymmaio ia ki rukom leit rukom wan ha kylleng ka Asia. Ka Osaka, Tokyo bad Busan ki la iohi ia ka jingkiew ha ki jingwad jingtip shaphang kine ki jaka kiba palat 85%, 90% bad 95%, katba ka Kuala Lumpur bad Bangkok ki la nang iohi ia ka jingkiew kaba iai neh ha ka jingdawa. 

Ki jinglong jingman jong ka leit ka wan ha ka ri India ruh ki pyni ia ka jingkynriah sha ki jaka kiba riewsphah ha ka kolshor. Ki jaka kum ka Thiruvananthapuram, Puri, Jaipur bad Meghalaya ki la sakhi ia ka jingkiew ha ki jingsngewtynnad ia ka jaka, kaba pyni ba ki nongleit jngohkai mynta ki la nang ia wad bniah ia ki jaka palat ban tang ia ki jaka ba ju paw ha shuwa.  “Kaei kaba ngi iohi mynta ka lyiur ka long ka leit jingleit kaba la pyniaid shakhmat da ka jingkwah ioh jingtip bad da ki kolshor,” la ong u Amanpreet Singh Bajaj, Country Head, Airbnb India bad Southeast Asia, da kaba kdew ba ki jaka ha Asia ki tyrwa ia ka jingsngew ba la ithuh lypa bad ki jinglap ba thymmai. 

Ha Shillong, ka jingkiew ia ka jingsngewtynnad ia ka Meghalaya ka pyni ia ka jingkiew ha ka jingdon jingem jong ka kam jngohkai pyrthei ha ka thain. Ki nongpyniaid ia kine ki jingleit jngohkai kiba don ha Shillong ki la iohi ia ka jingkiew ha ki jingwad jingtip, khamtam na ki nongleit jingleit kiba dang kham samla bad ki kynhun jngohkai pyrthei, ka ban nang pynkiew ia ka jingpdiang sngewbha jong ki briew ha ka thain bad ki bynta ba iadei bad kane katba ka aiom lyiur ka la nang wan.