Ki kynthei ka Meghalaya Bharatiya Janata Party (BJP) hynne ka sngi ki la pynlong ka jingiaid kjat da kaba rah dongmusa ha nongbah Shillong ban pyrshah ia ka jingshah rem ka Women’s Reservation Bill ha Parliament namar ka jingpyrshah ki Liang Pyrshah. Ia kane ka jingiaid kjat la pynlong da ka Mahila Morcha bad ki kynthei SC Morcha, BJP Meghalaya.
“Da kane ka jingïakhih, ki kynthei jong ka BJP Meghalaya ki la ïa snohkti lang bad ki kynthei ha kylleng ka ri ban ai kawei ka khubor sha ki seng sain pyrthei ka Liang Pyrshah–‘ka women reservation bill kan sa ïohi ia ka jingshai, ki seng sain pyrthei Liang Pyrshah kim lah ban khanglad sah ïa ka jingmynjur” ong ka BJP ha ka kyrwoh.
Ia kane ka jingiaid kjat la ialam da u President ka Meghalaya BJP u Rikman G Momin, u Chief Spokesperson u Guru Prakash Paswan bad u Bah Mariahom Kharkrang, u president ka SC Morcha u Gagan Jain bad ka President ka Mahila Morcha ka Kong Arena Hynniewta.
Ka BJP ka pynpaw ba ka jingiaid kjat daka ba rah dongmusa ka pyni ia ka jingpyrshah kaba ïa baroh ki seng sain pyrthei Liang Pyrshah kiba la khanglad ïa ka jingmynjur ïa ka Women’s Reservation Bill ha Parliament. Ka Women’s Reservation Bill ka thmu ban bhah 33 percent ia ki kynthei sha ka Lok Sabha bad ha ki iing dorbar thaw ain ki jylla.
You may also like
-
Na ka bor pyrkhat sha ka bor pyntreikam ban pyniar ia ka rep tynrai ki riewlum
-
Ialam bakla u Bah Prestone, ki bym don Aadhaar kin duh jingmyntoi
-
Ka jingiaid lynti u samla Donald bad Lambokstarwell kum ki nongialam KSU
-
Ha u 2027 buh thong ka Sorkar ban pyndep surok Shillong-Dawki, bthah ia ka Company ban phikir
-
Palat shisnem yn thut ka jingsam bording ba pyntrei ia ka RDSS: Metbah