Ki kynthei ka Meghalaya Bharatiya Janata Party (BJP) hynne ka sngi ki la pynlong ka jingiaid kjat da kaba rah dongmusa ha nongbah Shillong ban pyrshah ia ka jingshah rem ka Women’s Reservation Bill ha Parliament namar ka jingpyrshah ki Liang Pyrshah. Ia kane ka jingiaid kjat la pynlong da ka Mahila Morcha bad ki kynthei SC Morcha, BJP Meghalaya.
“Da kane ka jingïakhih, ki kynthei jong ka BJP Meghalaya ki la ïa snohkti lang bad ki kynthei ha kylleng ka ri ban ai kawei ka khubor sha ki seng sain pyrthei ka Liang Pyrshah–‘ka women reservation bill kan sa ïohi ia ka jingshai, ki seng sain pyrthei Liang Pyrshah kim lah ban khanglad sah ïa ka jingmynjur” ong ka BJP ha ka kyrwoh.
Ia kane ka jingiaid kjat la ialam da u President ka Meghalaya BJP u Rikman G Momin, u Chief Spokesperson u Guru Prakash Paswan bad u Bah Mariahom Kharkrang, u president ka SC Morcha u Gagan Jain bad ka President ka Mahila Morcha ka Kong Arena Hynniewta.
Ka BJP ka pynpaw ba ka jingiaid kjat daka ba rah dongmusa ka pyni ia ka jingpyrshah kaba ïa baroh ki seng sain pyrthei Liang Pyrshah kiba la khanglad ïa ka jingmynjur ïa ka Women’s Reservation Bill ha Parliament. Ka Women’s Reservation Bill ka thmu ban bhah 33 percent ia ki kynthei sha ka Lok Sabha bad ha ki iing dorbar thaw ain ki jylla.
You may also like
-
Shim bynta u Lat bad ki samla pule ban bam smai ia ki kular ka Nasha Mukt Bharat Abhiyan ban iakhun pyrshah ia ki jingdih ba sniew
-
Pdiang ka Kur Talang ia ka jingpynkylla u “Rahul Kumar” sha u “Pyndaplang Talang”
-
Sdang Ka Kyrsiew Tipkur Tipkha na Smit ban tehsong ia ki Kur bad pynneh ia ki riti dustur
-
Kylla dpei phra ki Iing ha Rilbong, ba bthei 3 ki tyndong lyer Gas julor ki mar
-
Kyrshan skul ka KSU ia 40 ngut ki khynnah na ki longiing ba duk