U Myntri Rangbah ka Jylla u Conrad K Sangma hynne ka sngi ula lum ia ka jingialang baroh ki sengsain pyrthei (All Party Meeting) ban iatai halor ka kaiphod bad ki jingai jingmut ka Expert Committee halor ka bhah thungkam ne ka State Reservation Policy ba la dep pynmih paidbah ha u bnai Rymphang ha Iing Dorbar Thaw-ain ka Jylla.
Ha kane ka jingialang la sakhi ka jingwan shim bynta da baroh ki nongmihkhmat ki sengsain pyrthei naduh ka NPP, Congress, BJP, HSPDP, KHNAM, TMC hynrei ka VPP kam khlem phah nongmihkhmat sha ka jingialang.
Haba kren ha ki lad pathai khubor u Commissioner & Secretary ka Sorkar Meghalaya, u Bah Cyril D Diengdoh ula pyntip ka thong ba hakhmat ka jingialang ka long ban pynsngew bad ban ioh ia ka jingai jingmut halor ki jingshem ka Expert Committee ia ka Reservation Policy.
U Bah Cyril ula ong, ka jingialang ki seng sain pyrthei ka long ban iamir jingmut halor ka kaiphod jong ka Expert Committee, nalor ka jingkular u Myntri Rangbah ka Jylla ula dep ban ai naduh u bnai Rymphang, khamtam ha ka por ba la wanrah ia ka kaiphod ha ka Iing Dorbar Thaw-ain ha ka 18 tarik u Rymphang 2026.
Ula iathuh ka Sorkar ka la pynshai ia ki mat ba shakhmat ha ka kaiphod ba rben kaba don da ki hajar sla ha kaba u Myntri Rangbah ula bthah ia ki ophisar ban pynshai shai ban suk ka jingpule bad ka jingsngewthuh ia ka.
“Wat la ka dei ka kaiphod ba jrong, hynrei ka Sorkar ka la dep ban sam ia ki jingai jingmut (Recommendations) kiba kongsan sha ki lad pathai khubor bad sha u paidbah baroh kawei, kaba la pynlong ia ki nongialam seng sain pyrthei ban iaroh ia ka sorkar halor ka jingpynshai ia ka kaiphod (transparency)” la ong u Bah Cyril.
U la bynrap ka jingialang ka la jlan kumba shi kynta ban iakren khamtam kiba iadei bad ka ain (Legal) bad ki rynsan riti synshar ri (constitutional position) ba ia dei bad ka Reservation bad kiba la wan shim bynta ki pynpaw ka jingsngewhun bad kam don kano kano ka jingiapher jingmut halor kine ki jingshem ka komiti.
Shuh shuh ula iathuh ba u Myntri Rangbah ula bthah ban ai kopi ka kaiphot ba pura sha baroh ki seng sain pyrthei khnang ba kin ioh ban pule bniah bad sngewthuh ia ki kam ain ba bun ba donkam bad lada donkam ha ki sngi ba bud, ka sorkar ka kloi ban pynlong ki jingialang phylliew jingmut bad kiwei ki kynhun halor ka bhah ka