Ka Khasi Students Uinion (KSU) hynne ka sngi ka la pyllong ia ka General Election ban jied ia ki nongkitkam ba thymmai na bynta ka samoi treikam jong u snem 2026-29. Ia kane ka ilekshon kaba Khathynriew la pyllong hynne ka sngi ha Dinam Hall, Jaiaw ha ryngkat ka jingdonlang ki nongialam barim ka seng kynthup u Bah Samuel Jyrwa, u Lambokstar Marngar, u bah Donald V Thabah nalor kiwei de. Ha kane ka ilekshon, u bah Raymond Kharjana ula shah jied kum u President ka seng khlem don nongiakhun pyrshah kumjuh u samla Reuben Naijar ula shah jied kum u General Secretary bad u samla Pynkmenlang Sanmiet kum u Vice President.
Katba kiwei kiba nongkitkam thymmai kiba la shah jied ki kynthup u Pynshaiborlang Rani kum u Assistant General Secretary, u Samla Cleanstar Shabong Organising Secretary, Education Secretary samla Alerick Kharjana, Information &Publicity Secretary samla Pynshai Kupar Dkhar, Office Secretary samla Gary R Mawlieh, Environment Secretary samla Shiningstar Kharbihkhiew bad ia ka kam Sports & Cultural Secretary la ioh da u samla Eric Anthony Nongkynrih..
Hadien ba ladep pynbna ia ka resol jong ki nongkitkam thymmai na bynta ka samoi 2026-29, ki nongialam barim ka KSU ki la la sam ia ki synod sha ki. Haba kren ha kane ka sngi u bah Samuel Jyrwa ula ong ba ka jingmih shakhmat jong ki samla ban shim bynta ka pynmih ia ka jingshlur ban bah ia ka lyngkor jong ka ri bad ka jaitbynriew. U bah Samuel ula ong ban long nongialam donkam ban don ka jingianeh skhem, ka jingshlur ban shah ia ki jingeh haba don kino kino ki jingialeh.
You may also like
-
Kular u Myntri ka kit ka bah ban pyntreikam ia ka OTS ban map bai kot kali
-
Sha High Court ujor ka sorkar ba pyllait jamin ia ka Sonam
-
Paw kyrteng u James hakhmat na ki 5 ngut ban long MP Rajya Sabha
-
Ka sien nyngkong ha jylla, ïatai ka kynhun Myntri da ka ktien Khasi, Garo bad phareng
-
Phah jingthoh sha u Myntri sorkar pdeng ban thaw ‘High Level Inquary’ ban tohkit