Ka thma ‘West Asia’ kam ktah ia ki nongwan shangkai pyrthei sha Meghalaya

U Myntri ka tnat Tourism u Timothy D Shira ula kyntait ba ka thma ba dangiai bteng ha West Asia kam ktah ia ka jingwan ki nongshangkai pyrthei hapoh ka jylla Meghalaya.

Haba kren sha ki lad pathai khubor u Timothy ula ong, wat la ka tnat Tourism kam pat lum jingkhien ia ka jingwan tuid ki shangkai pyrthei na kiwei ki ri ha jylla hynrei ula kam ba ka don ka jingkiew na uwei u snem sha uwei pat.

U Timothy ula ong, ha u snem 2024-2025 ki don palat 18 lak ngut ki nongwan shangkai pyrthei sha Meghalaya bad 16 lak ngut lak ha u snem 2023-2024.

“Ka don ka jingkiew na uwei u snem sha uwei pat watla ngim pat lah ban jingkhein kyllum (Assessment) na bynta u snem 2025-2026” la ong bynrap.

Haba pynpaw ka Meghalaya ka dei ka Jylla ba itynnad tam ha India u Myntri ula ong, “Wat la ka thma ha West Asia ka dang bteng hynrei kam khanglad ia ki nongwan shangkai pyrthei na kiwei ki Ri ne na kiwei ki Jylla sha Meghalaya”.

“Phi leit sha Jaintia Hills, Khasi Hills ne sha Garo Hills, phin ïohi beit ia ki nongwan shangkai pyrthei na kiwei ki ri ka pyrthei ne kiwei ki Jylla ka ri India bad kane ka pyni ba ka thma ha West Asia kam khanglad satia ia ki nongwan shangkai sha Meghalaya bad ki briew ki tip haduh katno ka jingitynnad ka jylla” ula ong.

U Myntri ula kubur ba ki rynsan social media, ki don ka bynta ba kongsan ban kyntiew ia ka jingitynnad ka Jylla. “Ha ka juk Social Media mynta baroh kiba wan ki buh ia ki dur ne Video kum ha Facebook, Instagram bad kane ka khring ïa kiwei pat ban wan shangkai bn iohi ia ka jingitynnad ka Meghalaya” ula ong.