JICA-ka jingkyrshan ban shna ia ki projek surok bah ne National Highway Project ka long kum ka dak jong u mawmer ba khraw ha ka jinglah ban pyniasoh ia ka thain shatei lam mihngi ka India Mark a Milestone in Northeast India’s Connectivity

Japan International Cooperation Agency (JICA) Ka Japan International Cooperation Agency (JICA) mynta ka sngi ka la rakhe ia ka jingbuh mawnongrim bad aiti sha ka ri ia ka projek shna surok bah kaba heh ne ka National Highway ha Meghalaya, ka kyndon kaba kyrpang ban nang kham kyntiew ia ka jingpyniasoh lyngba ki surok kiba kham bha bad ban kyntiew ia ka thain ha kylleng ka shatei lamihngi jong ka ri India. La khmih lynti ba kin long kiba kongsan bha na ka bynta ban pynbiang ia ka leit ka wan jong ki nongleit nongwan bad ka jingpynkit ia ki mar ki mata ha kylleng ki bynta jong ka Meghalaaya bad ka thain shatei lam mih ngi. Lyngba ka jingpynbha ia kine ki lynti ki syngkien, la khmih lynti ba kin wanrah ia ki jingmyntoi sha ki shnong ki thaw jong kane ka thain lyngba ka jingduna ka por ba lut ha ka leit ka wan bad ka jingduna ha ka jinglut ban leit ban wan.  Ia kane ka lympung, ba la pynlong ha madan Polo, Shillong, la lam khmat da U Nitin Jairam Gadkari, myntri ka sorkar pdeng jong ka tnad Road Transport & Highways, bad la pyniaid ia ka jingialang da u myntri rangbah ka jylla U Conrad K. Sangma. La iadonlang ha katei ka sngi da u Symbud myntri rangbah, ki myntri ka sorkar jylla, u lamphang ka iing dorbar thawain ka Meghalaya Legislative Assembly, ki dkhot ka Parliament, U Mr. YAMAZAKI Fumio, myntri jong ka tnad Economic & Development, Embassy of Japan, bad U TAKEUCHI Takuro, Chief Representative jong ka JICA India. Napdeng ki 6 tylli ki jingpyntrei ia ki surok bah kiba la plie pyrda mynta ka sngi ha Meghalaya, kaba kynthup ia ka jingbuh maw nongrim bad ka jingaiti ia ka sha kri, ka JICA ka la bei tyngka ia ki lai tylli ki lynti bah ne corridors ha ka jinglut kaba kot ₹1,592 klur. Ia kine ki lynti la thmu ban shna da ki buit ban nang kham pynkhlain ia ka jingpyniasoh hapdeng ki jylla kiba ha ka thain shatei lamihngi jong ka India bad ban wanrah ia ka jingpyniaid jong ki mar ki mata kiba khlem jingthut hapdeng ki jylla kum ka  Meghalaya, Assam, West Bengal, bad  ka ri Bangladesh, ka ban nang ai jingkyrshan ia ka jingkiew jong ka ioh ka kot jong ka jylla bad ka jingkiew ha ka imlang ka sahlang ruh kumjuh.

Ki jingiohnong ba kongsan. jong kine ki projek ki kynthup ia ka jingnang kh ki kynthup ia ka jingshngain jong ki surok bad ki lynti syngkien, ka jingpynduna ia ka jinglut jong ka por leit por wan, ka jingkyntiew ia ka jingiakhaii pateng ha Dalu Land Customs Station (LCS), ka jingpynbha ban pynpoi ia ki lynti syngkien sha ki jaka jngohkai, bad ka jingkyrshan na ka bynta ka roi ka par kaba iaineh lyngba ka jingpynduna ia ka jingpynmih ia ki lyer greenhouse gas Ka Shillong-Dawki corridor kan wanrah ia ka jingpyniasoh sha ka Bangladesh hajan ka shnong Tamabill. Ka lynter jong kane ka surok naduh naduh Rilbong shaduh Pomlum (8.27 km) ka la ioh ia ka jingpynbha sha ka 4-lane ne saw liang, katba ka surok ba dang sah naduh na  Pomlum shaduh Mylliem Marbaniang (2.40 km) ka dang dei ka 2-lane ne ar liang bad ka jingdon jong ki bynta harud ba la siang bha, kaba la pynpher shibun ia ka jingiaid jong ki kali bad ka jingshngain ha ka thain Upper Shillong. Ka surok Dhubri-Phulbari sha Selsella Simbukolgre kan ai jingmyntoi ia ka distrik riewlum jong ka West Garo hilla, kaban nang kham pynkhlain shuh shuh ia ka khaii pateng, ka kam jngohkai, bad ka jingkyntiew ia ka thain. Ha kajuh ka rukom, ka surok Selsella Simbukolgre sha Goeragre kan long kum ka surok ba kyrpang ban pyniasoh sha ka jingkieng 4-lane kaba dang shna mynta nalor ka wah Brahmaputra, kaban pyniasoh ia ka Dhubri ha Assam bad ka Phulbari ha Meghalaya, ia kaba la ioh ia ka jingbei tyngka na ka ram ba la ai da ka JICA hapoh jong ka projek ba la tip kum ka “Northeast Road Network Connectivity Improvement Project (Phase 3).”

U TAKEUCHI Takuro, Chief Representative jong ka JICA India, u ong: “Ka JICA ka sngew sarong ban long ka long ba kongsan bha na ka bynta ka jingkyntiew ia ki jingtei, khamtam ha ka thain shatei lam mih ngi. Kine ki projek shna surok bah ym tang ba kin pynbha ia ka jingpyniasoh ia ka thain bad pynbha ia ka khaii pateng, hynrei kaba kham kongsan, ka long ba n thaw ia ki lad ki kabu kiba thymmai ban ioh kami oh jam, ban sengkam, bad kyntiew ia ka ioh ka kot jong ki nongshong shnong. Ngi ngeit ba kane ka jingpyniasoh kadang dei tang ka sienjam kaba nyngkong. Ka thong jong ngi ka long ban kham iaid kham sha jngai shuh jong kane ka jingpyniasoh- da kaba wanrah ia ki jingtei kiba bha ban kyntiew ia ki karkhana, ban kyrshan ia ki shnong ki thaw, bad ban wanrah ki jingkylla kiba iaineh bad ka jingkiew ha baroh ki liang. Ka jingiatreilang kaba la slem bad ka India ka pyni ia ka jingbteng jogn ka JICA ban trei radbah ban wanrah ia ka lawei kabab ha lyngba ka jingbei tyngka ha ki jingtei kiba wanrah ka jingkylla. ” Ka JICA ka la long ka shlem ba la slem bha ka jingiatehlok bad ka India, da kaba ai ia ka ram Official Development Assistance (ODA) ban nang pynkhlain ia ka jingpyniasoh ia ka ri bad ka thain, ban kyntiew ia ka khaii pateng sha shiliang khappud, bad kyrshan ha ka ioh ka kot. Da ka jingdon jong ki projek kum ka NH-127B bad ka Shillong-Dawki, ka JICA ka iaibteng ban kyrshan ha ka jingtei ia ki jingshan kaba pynkhlain ia ka India ha ka jingiatreilang hapoh ka thain bad sha palat jong ki.