U CEM ka Khasi Hills Autonomous District Council (KHADC) u Bah Winston Tony Lyngdoh ula pyntip ba watla ka District Council kam don ka mang pisa kyrpang ba ia dei bad ka jingshah pynjulor ha ka bor mariang hynrei ka ju ai jingiarap T.4000 lada dei ki jingjia ba rit bad T.15,000 lada dei ki jingjia ba heh.
Haba jubab ia ka jingkylli ba la wanrah da u MDC na Mairang constituency u Bah EL Nongrang, u CEM ula iathuh ka Executive Committee (EC) kam ju pynslem ban pyllait ia ka pisa na bynta kito kiba shah ktah ha ka bor mariang.
Ula pyntip ba ha u 2025-2026, kiba la ioh jingiarap namar ka jingshah pynjulor ha ka bor mariang ki kynthup na Nongpoh constituency 21 ngut, na Umroi 9 ngut, na Mawkyrwat 4 ngut, na Mawhati 5 ngut, na Mawlai 2 ngut, na Mawkynrew 4 ngut, na Mawphlang 2 ngut, na Mylliem 1, na Nongskhen 2 ngut bad Langkyrdem 1, kiba dei ki constituency ba mihkhmat da ki MDC ka VPP.
“Kam don ka mang tyngka ba la buh kyrpang hynrei ngi buh T.4000 ia ki jingjia ba rit bad T.15,000 ia ki jingjia ba heh bad lada biang lut ki jingdonkam kum ki dur, ki Bank Account ka Council ruh ka phah ia ka pisa kumba 10 sngi” la ong u CEM.
U CEM ula pyntip ba hadien ka Dorbar ka EC kan sa bishar biang ban pyllait ia ka pisa sha kito ki bym pat ioh.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah