U Symbud Myntri Rangbah ka Jylla ba khmih ia ka tnat Transport u Bah Sniawbhalang Dhar ula ong, ba ka Sorkar Meghalaya ka dang don ha ka lynti ban pynbiang pura noh ia ka ain, Vehicle Scrappage Policy 2025 da ka jingthmu ban pyntreikam noh ha shwa ban kut une u snem 2026.
Haba kren shaki lad pathai khubor u Bah Sniawbhalang ula ong, ba ki jingtip kiba bniah jong kane ka policy, kynthup ia katno tylli ki kali kiba dei ba shah pynduh noh ha une u snem, yn sa pynbna shisien ba la dep ban pynbit pynbiang ia katei ka rukom treikam.
“Ngi dang don ha ka lynti ban trei halor kane bad kan dang shim por. Shisien ba ngi lah pyndep ia kane ka kam ka jam, baroh kiei kiei yn sa pyntip sha phi, katno tylli ki kali bad kiba kumno ki jait kali kiban shah pynduh noh mynta u snem. Kumta mynta u snem ngi dang don ha ka lynti ban pynbiang pura noh” la ong u Bah Sniawbhalang.
U Symbud Myntri Rangbah ula kubur ba ka jingpynwandur ne ban pynbit pynbiang ia kane ka rukom treikam kan dei kaban dang shim por, hynrei ula pynpaw pat ia ka jingskhem jingmut ba dei ban pyntreikam naduh u snem 2026.
“Kan dang shim shuh ia ka por hynrei katkum ka jingsngewthuh ka jong nga, hapoh une u snem ngi lah dep ban pyntreikam noh ia kane” ula ong.
You may also like
-
Jam ka Shillong Commerce’s kolej ia u mawmer ba 60 snem ka jingshakri ia ka pule puthi
-
Mynjur ka JHADC da ka Resolution ban kyrpad ia ka President ban ai lad tih dewiong biang ha Jaintia
-
Pyllait u Myntri Rangbah ia ka kot halor ki jingtei ba pyni ia ka jingstad ban im bad ka mariang
-
Bthah u MR ia ka SAI Computer bad MePDCL ban pynpoi thikna sha ki longiing ia ka bording ilektrik
-
Pyniasoh U MLA barim Bah Mohendro Rapsang sha ka BJP