U Additional Deputy Commissioner (ADC) Pynursla Civil Sub-Division u Bah G. Warjri hynne ka sngi, ula bthah ia ki paitbah bad ki kali ba kin iaid noh na surok Laitlyngkot-Iew Mawiong-Umthli-Nongthymmai-Laitkynsew NH Point na ka daw ka jingtwa ka surok Shillong Dawki ha ka 21 tarik u Jylliew.
Ula pyntip ki paitbah ki lah ban iaid na kane ka surok naduh por 10 baje mynstep haduh 4 baje janmiet bad ha ka por mynmiet naduh 10 baje mynmiet haduh 5 baje mynstep bad na Laitlyngkot-Pomlum yn shah ban iaid tang ki kali rit katba na Pomlum sha Mawlieh yn shah ban iaid baroh kali rit bad ba heh.
La pyntip ha Lyngkyrdem bad Laitlyngkot yn shah ban iaid kali ha baroh ar liang haduh por 10:30 mynstep, hadien yn khang noh ban ai lad ia ka kompani ban sdang ka jingtreikam.
Namar ka aiom lyiur la bthah ia ki nongleit bad ki paitbah ba kin phikir ban iaid lyngba katei ka surok bad kiar ban iaid kai khamtam ha ki por slap bad mynmiet.
Ula pyntip ki kali ba kynthup ki kali kit nongpang, kali pynlip ding bad ki pulit yn shah ban iaid ha ka por ba khang bad ki lah ban pyntip da kaba phone ha Pynursla Police Station ha u Phone Number: 9862251116 na bynta ka jingshngain.
You may also like
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong
-
Ha ki 10 snem bun ki jingkynshew la pynjanai ia ki jingtei ban kyntiew ki lad kamai kajih
-
Palat 4 hajar kin iakhun eksam NEET-UG, kyntu u DC ban mih kloi kiba iakhun ha Kendriya Vidyalaya
-
Kiba pynkhein ia ka ‘Lineage Act’ kin shah duh jingithuh jaidbynriew Khasi
-
U Pynshngain Kurbah banyngkong eh ban ioh shithi thungkam na ka Sports Policy