Ka Shillong Commerce’s College hynne ka sngi ka la sdang ia ka jingrakhe dap 60 snem lane ka Diamond Jubilee haba iadei bad ka jingai jingshakri jong ka ha ka pule dangle.
Lah ban kdew ba ia ka Shillong Commerce’s College la seng ha u snem 1967.
Ia kane ka jingrakhe dap 60 snem la wan sakhi bad pynher lama daka MLA ka East Shillong Constituency ka Dr Ampareen Lyngdoh ha ka jingdonlang ka Principal jong ka College ka Dr. (Ms.) S. Khongwir, ka Vice Principal ka Kong Aiona Kharmawphlang, ki nongkitkam ka Governing Body jong ka College bad kiwei-kiwei.
La ioh ruh ka jingpynpule ia ka histori lyngkot jong ka College da u BR Upadhya uba long u Vice Principal & Head Commerce Department.
Haba kren ha kane ka sngi ka Kong Ampareen ka la ai ka jingiaroh ia ka jinglam lynti ki nongseng jong katei ka shlem ai jingstad ia kiba bun bah ki khun samla jong ka thaiñ bad jong ka Jylla ruh baroh kawei.
Ka Kong Ampareen ka la ong ruh ia ki khynnah pule ba ka ka jaka pule ka dei ka jaka ban ioh jingstad, jingtip bad jingshemphang bad kyntu ba ki dei ban pynleit jingmut ha ki jingpule jongki khnang ba kin lah ban kiew ha ka jingim jong ki.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda