Ka jinglum jingtip jong ka Vi Business ka pyni ia ki jingpynkylla kiba la wanrah da ka AI sha ka MSME ha India

Ka AI ne ka Artificial intelligence ka long kum kawei na ki phliah jong ka jingkiew kaba khraw na ka bynta ki kam khaii pateng kiba rit, ba pdeng bad baheh ne ki micro, small bad medium enterprises (MSMEs) jong ka India, ha kaba 57 na ka shispah jong ka kam jong ka kam jong ki, ki la ioh ia ka AI kum kawei na kiba la lam khmat sha kane ka jingkiew ka kam bad iwei na ka saw na kine ki la pynlong ia ki AI na ka bynta ban trei bad pyniaid ia ka kam jong ki, kane ka long katkum ka jinglum jingtip da ka Vi Business halor ka MSME Growth Insights Study 2026. Ia kane ka jinglum jingtip, la lum na palat 2.5 lak tylli ki MSME ha ki 16 tylli ki bynta lyngba ka rynsan ReadyForNext jong ka Vi Business, kaba la ioh lum ruh ba ka jingkiew ha ka Digital Maturity Index (DMI) jong ka India ka long 60.8 ha u snem 2026 na ka 58.0 kaba la ioh lum mynshem snem.

Kane ka jinglum jingtip ka la lap ba 46.3 na 100 jong ki MSME ki la pdiang ia ki lad iada ha ka liang ki kor treikam ne ki cybersecurity ban ialeh ia ki jingma kiba ap ia kine ki kor digital, katba ki jingpyntreikam kiba la ialam da ki kynthei ki la treikam kham bha ban ia ki jingpyntreikam ba la ialam da ki shynrang bad ka jingkhein DMI ka pyni 61.6 pyrshah ia ka 60.4. Ka Vi Business ka la pynmih ruh ia ka *Financial Readiness* kum u paia peit bniah uba saw lem bad ka Digital Customer, Digital Workplace bad Digital Operations ban khein ia ki jingpynkhreh halor ki jingbei pisa bad ka jingieng skhem ha ka kam khaii pateng.

Ka Telangana bad ka Karnataka ki la ioh ia ka kyrdan kaba ha jrong ha ka jingsan jong ki ha ka liang ka digital, katba ka Andhra Pradesh ha ka sien ba nyngkong ka la ioh rung sha ka thup ba 10 jong kiba ha jrong tam. Ki jingshakri ha ka liang ki pisa tyngka ne ki Financial Services ki la long kum ka bynta treikam kaba la san bha ha ka jingpyndonkam ia ka digital, ha khmat jong ka IT bad ITeS, ki kam kiba iadei bad ka jingpyniaid ia ki kali, ka bording bad kiwei kiwei ki jingpyndonkam bad kumjuh ki kam jngohkai bad ki kam kiba iadei bad ka jingpynbiang ia ki jaka sah ne ki iing basa.