Ki paidbah ba iaid ha ki thain Khyndai Lad ki la syier mynsiem namar kawei ka pla rong jyrngam bad ka Trolley rong iong ba shu ieh ha ka jaka ieng ki arshaka ba don ha syndah ka OB Shopping Mall.
Ia kine 2 tylli ki pla la lap da ki paidbah ba iaid ba ieng ha ka por kumba 11:30 tam bad namar bym don ba wan kam trai, ki la pyntip mar mar sha ki Traffic Police kiba don ha Khyndai Lad.
Mar mar ki Pulit ki la ker kut ia ka thain Khyndai Lad da ka mana ia ki kali bad briew ban rung sha kane ka thain bad ki la sdang ban talasi ia kine 2 tylli ki pla ba iehnoh.
Tang hadien katto katne por ha shuwa ban wan poi ki Pulit Bomb Squad, la iohi ba uwei u briew ula mih na ki thain MUDA ban shim noh ia ki 2 tylli ki pla bad na ka liang ki Pulit ruh ki la pyllait noh ia ka jingkhangdam.
You may also like
-
Ki ophis sorkar kim dei ban pynlong jaka man Blei, ong u bah Hek
-
Khuslai mynsiem ki nongdie jingdie ha surokbah National Highway
-
Palat 84.77 percen la sam phom SIR, ka WJH ba bun tam na ki District
-
Jurip u MR ia ki project ha New Shillong, bthah ban pyndep hapoh ka por
-
Julor ki khyrdop ka JHADC ba ñiom paidbah ka JNC bad JSU