Nang pynkhlain ka Shree Cement ban trei radbah ia ki kam ban pynduna ban pynmih carbon bad ka jingpynmih ia ki mar ki mata ha ka rukom kaba iaineh ha Meghalaya

La lah ban pynmih haduh 62% ka bording kaba khuid kaba pynmih haduh 634.5 MW ka bording, kane ka projek kaban sa sdang mynta ka pyni ia ka  jingtreikam ba iaineh ka kompany ha ka rukom pymmih mar jong ka .

Katba ka India ka nang jam sha khmat ha ka jingkylla ha ka ioh ka kot kaba duna ka jingpynmih ia ka carbon, ka jingshna ia kiei kiei ha ka rukom kaba iaineh ka iai long kaba ha pdeng khamtam ha kaba iadei bad ka lawei ban kyntiew ia ki kam karkhana. Ban nang pynskhem shuh shuh ia kane ka jingiohi jngai, ka Shree Cement Limited ka wanrah ia ka rukom shna kaba iaineh sha Meghalaya lyngba ka projek pynmih dewbilat ha East Jaintia Hills. Kane ka projek kan pyni ia ka jingphai khmat jong ka kompany ha kaba iadei bad ka bording kaba khuid ba suba, ka jingbiang ki spah mariang bad ka rukom ban pyndonkam ia ka mariang ryngkat ka jingkit khlieh kaba la pynlong ia ka Shree Cement kum kawei na ki karkhana shna dewbilat kaba ha khmat eh ban shna ia ka ha ka rukom kaba iaineh.

Ka jingiaineh ka la suhthied ha ka jingkiew jong ka rukom treikam ka Shree Cement bad ka la saindur ia man la ki bynta ha ka rukom shna jong ka. Ia kine la leh katkum ka Science Based Targets initiative (SBTi) bad ka RE100 pledge na ka bynta ban ioh ia 100% ka bording ba pynmih na kiei kiei kibym lut ne renewable electricity kat ha ka snem 2050, ka kompany ka iaibteng ban bei tyngka ha ka jingpynmih bording bym lut, ka Waste Heat Recovery Systems (WHRS), ka jingpynmih da kiwei pat ki jait umphniang, ki teknology bym bam than ia ka ding bad ka jingleh ruh ia ka circular manufacturing ne ka rukom shna kaba pyntyllun bad pyndonkam ia ki juh ki tiar ki tar bad ym ban shu kyntait noh ia ki khnang ba suki suki yn lah ban pynduna ia ka jingktah ia ka mariang.

Mynta ka, Shree Cement ka la lah ban pyndap 62% jong ka jingdonkam bording lyngba ka bording bym lut ne renewable energy bad WHRS, ia kaba la kyrshan da ka jingbuh ia ki kor pynmih bording bym ktah mariang kaba pynmih haduh 634.5 MW ka bording. Ha ka snem mang tyngka FY 2025-26, kine ki sienjam treikam ki la iarap ban lah ban pynduna ia ka jingpynmih ia ka CO₂ haduh 7.3 million tonnes, kaba pyni ia ka jinglah jong ka kompany ban bteng ia ka jingiaid lynti ban pynmih duna ka carbon haba shna jingshna.

Kane ka projek kaban sa wan ha Meghalaya kan long kaba yn treikam halor kine ki rukom treikam kiba iaineh naduh kaba sdang ia ka. La saindur ia ka da ka jingphai khmat kaba skhem kumno ban lah ban kunai bording bad long ruh kaba dap ba biang ha kaba iadei bad ka bording, kane ka jaka treikam kan pyndonkam ia ki teknology ba la pyndonkam ha kylleng ki jaka ba ka Shree Cement ka treikam ha kajuh ka por ban kyrshan ruh ia ki kam karkhana ka jylla bad ka jingkyntiew ia ki jingtei.

Nalor kine ki bording bym lut, ka Shree Cement ka iai bteng ban leh ruh ia ka circular manufacturing da kaba nang kyntiew ia ka jingpyndonkam ia kiwei pat ki jait umphniang bad kiwei pat ki mar kiba donkam, kaban pynduna ka jingshaniah tylli ha ki umphniang ba shu tih na sla pyrthei ne ki fossil fuel bad ban pynneh pynsah ia ki spah mariang. Ka kompany ka pynkhlain ruh ia ka rukom treikam ban pynneh pynsah ia ka bording kaba khuid lyngba ka jingpyndonkam ia ka Battery Energy Storage System (BESS), kaba thmu ban nang kyntiew ia ka jingpyndonkam ia ka bording bym lut bad nang kyntiew ruh ia ka jingshaniah ha ka jingpynlang ia ka bording.

“Ha Shree Cement, ka jingiaineh ka long kaba kongsan bad kaba iadei bad ka jingsan jong ngi. Man la ki projek thymmai ka long ka kabu ban tei ia kaei kaei kaba kham lah ban shaniah, kaba leh da ka jingkit khlieh bad da kaba buh ha khmat ia ka lawei. Ka jaka treikam jong ngi kaba thymmai ha Meghalaya kan don ha ka ia ki teknology kaba pynmih duna ka carbon, kaba pyndonkam da ka bording bym lut ne renewable energy bad ka rukom treikam kaban kyrshan ia ka jingkiew ha ka kam karkhana da kaba noh synniang ruh sha ka jingkylla jong ka ri India ban pyndonkam da ka bording kaba khuid,” ong u nongai ktien ka Shree Cement.

Ka jingiada ia ka mariang ka iai long ka bynta kaba kongsan bha na ka bynta ka rukom treikam ba iaineh jong ka Shree Cement. Ryngkat bad ka jingpyrshang ban pynduna ia ka jingmih ka carbon, ka kompany ka iaibteng ban nang pynkhlain ban iada ia ki jingthaw ba-im ha ka sawdong sawkun, ka jingiada ia ka um bad ka rukom pyndonkam ia ki spah mariang da ka jingkit khlieh ha man la ki jak aba ka treikam, kaba warah ia kaei kaei kaba iaineh na ka bynta ki shnong ki thaw bad ka mariang.