Mynta ka sngi u Acting Syiem u Paiem Alban Federick ula wan shong biang ha ka khet Syiem Hima Mylliem bad ha kane ka kynti ula ai jingthoh sha u Ainam Manik Syiem ba un ai da ka jingthoh ne hukum ba wan na ki bor ba dei peit ba la thung biang ia u kum u Syiem ba pura jong ka Hima Mylliem. Na ka liang u Paiem Ainam Manik Syiem ula kyntait ia ka jingthoh ba la ai da u Paiem Alban Federick Syiem bad um treh ban soi ban pyni ba ula ioh pdiang.
Ha ka jingthoh u Paiem Alban Federick Syiem ula kdew ba lada u Paiem Ainam Manik Syiem u pyni ia ka jingthoh ne hukum ba la thung biang ia u kum u Syiem ba pura ka Hima Mylliem u long uba la kloi ban aiti noh ia ka khet Syiem katkum ka Khasi Hills Autonomous District Appointment and Succession of Syiem, Deputy Syiem, Electors and Rangbah Shnong of Mylliem Syiemship Act 2007 bad dei ban don lang ruh ki sakhi.
Kum ban pynkynmaw ha ka 11 tarik Nailar 2026 ka Meghalaya High Court ka la rai ban pynksan ia u Paiem Ainam Manik Syiem bad pyndam ruh ia ka rai ban weng shipor ia u Paiem Ainam Manik Syiem ba la leh da ka KHADC.
You may also like
-
Kynmaw ka tnad Lariti ia ki lanot bad ba lait im na ka jingphiah ka Ri India ha u 1947
-
Lada ka jingpynkylla ia ka FCRA ban klun ne pynduh jait kan long ka ain iakjakor’
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress