Katba ka jingshit jingkhriat ka dang hiar hapoh bad sawdong ka nongbah Shillong, la kyntu ia ki paidbah ba kin sumar namar ki jingma ki lah ban mih ha ka koit ka khiah ki jinglong jingman ba khriat. Ka jingshah slem ha ka jingkhriat ka lah ban wanrah ia ki jingma ha ka koit ka khiah kum ka jingkhriat, ka jingshit jingkhriat bad ka jingpynjur ia ki jingpang ba la don lypa khatam ki tymmen, ki khynnah rit, ki longkmie ba armet, kiba don jingduna ha ki dkhot met, ki nongtrei shabar, ki nongleit jingleit, ki nongrep bad kito kiba pyndonkam ka kiad ne ki jingdih buaid.
Ka long kaba donkam ban ithuh kloi ia ki dak kiba pynpaw ia ki jingpang ba ia dei bad ka jingkhriat ki long ka jingkhih, ka sniehdoh ba khriat bad balieh, ka jingtlot, ka jingsngewthuh bakla, ka jingkren, ki kti ba rkhie bad kiwei kiwei.
Ki lad jingiada ki long, shong hapoh iing katba lah bad kiar na kaba shah ktah ha ka jingkhriat kaba khlem da donkam, Phong bun jait ki jain kiba jem ban bat ia ka jingshit jong ka met, ia ki bynta kum ki shymprah kti bad ki shkor dep ban pynsyiad bad phong muja ki kjat, dih man ka por ia ki um syiad bad pynsngem ia ka sniehdoh da ki tiar kum ka Vaseline bad bama ia ki jingbam bad ki soh kiba tei met ban pynneh ia ka bor met.
You may also like
-
Iaroh ka Myntri Sorkar Pdeng ia 5 tylli ki Nongrim jong ki Khasi
-
Ka jingsdang ban pynkylla dur ia ka Shillong: Conrad
-
Hadien 53 snem, mynjur ka SCB ia ka Shillong Cantonment Building Byelaws
-
Ka CM Solar Mission ban pynbiang bording ha ki shnong ka Jylla
-
Dawa ka AJMW&LU ban siew tulop 10 tarik namar ka Behdeiñkhlam