“Ki briew kylleng pyrthei ki tip ï’a Shillong na ka jingwan u Bryan Adam”

U myntri ka tnad kam jngoh-kai pyrthei u bah Paul Lyngdoh, ula ther ia u nongialam ka VPP u bah Ardent Basaiawmoit uba la shu kren laplah khlem don ka jingkitkhlieh. Lah ban kdew dang shen, u MLA ka VPP u bah Ardent Miller Basaiawmoit ha ka jingialang pynithuh ia ki kyrtong MDC ha Smit, ula ther ia ka sorkar da kaba kynnoh ba ka wanrah ia u nongrwai Bryan Adam, tang ban pynpjah ia ka jingshongshit prah ki paidbah bad ban pynbeij ia ki paidbah.Haba kren sha ki lad pathai khubor u bah Paul, ula ong ka jingkren u bah Ardent ka long ka jingkren bym don ia ka jingkit khlieh namar ula kam ba u don artad bad ki jingshisha kiba kyrshan ia ka jingpyrshang ka sorkar ia ka kam shang pyrthei. U bah Paul ula ong ba tang na kawei ka concert jong u Bryan Adams, ki jingmyntoi ka sdang shwa tang na ka Instagram Account jong u Bryan Adam kaba u don da ki million ngut ki nongbud kaba u la buh syndon ia ki dur ka jong u shane sha nongbah Shillong.

“Ki briew na kylleng satlak ka pyrthei ki bym pat ioh sngew ia ka kyrteng Shillong mynta ki la tip lyngba ka jingbuh jong u Bryan Adam ha Instagram ia ka Concert kaba ula wan rwai hangne ha nongbah Shillong,” ong u bah Paul.U la bynrap ha kane ka jingwan haba pdiang burom ia  u Bryan Adams da kaba pynkup ia u da ka ryndia, u bah Paul u la kam ba ka la pynsngewtynnad ia une u nongrwai na Canada ia kane ka jain kup, tad haduh ba u la pan  shuh shuh sa kumba 12 tylli ki ryndia ba un ioh rah rneng sha la ka jong ka ri.“Ka jingthmu jong kane ka concert ka long ban khring ia ki nongwan jngoh kai sha kane ka jylla bad kiba iohnong ia ki briew ka jylla,”ula ong.

Haba jubab pat ia ka jingkylli ia ka jingdiaw ki kmie ki kpa ba ha kane ka jingwan u Bryan Adams ka la don ruh wat ka jingkhang syndon ia ki skul, u bah Paul hangne u pynkynmaw ia kaei kaba la dep ban jia ia ka jingkieng dam ha kaba ki briew ki la buh jingkylli ia ka sorkar ba balei kam leh eiei ban shna ne maramot ia kane ka jingkieng. Ynda haba ka sorkar ka la khang  ban iaid na kane ka jingkieng na ka bynta ban maramot pat ia ka, ki briew ki khnium kylla ba balei hap ban ap sah ban ioh ban iaid lyngba jong kane ka jingkieng, kumta u la ong ba ki juh ki briew hi kiba ong ba balei ba khang ia ki skul bad kin dei ki juh hi ki briew kiba lada jia ba plie ia ki skul ki ban dumok ia ka sorkar.