Pynjari kyndon 163 BNRSS u Magistor ba pynthut shna surok Shillong Western Bypass

Ban iada na kino kino ki jingshah pynthut ha ka jingtei ia u surok Shillong Western bypass kaba la nang iaid shaid shaid ka jingpyntreikam, na ka liang u District Majistor ka Ri Bhoi District u la pynjari syndon da ka kyndon ain Section 163 jong ka Bharatiya Nagarik Suraksha Sanhita, 2023 ha ki bynta ba dang iaid ki jingtei jong ka Ri Bhoi District. Na ka liang u Ahilash Baranwal, DM ka Ri Bhoi District, u la pyntip, ba la pynjari ia kane ka kyndon ain namar ka jingioh jingujor na ki bor jong ka NHIDCL- PMU Mylliem East Khasi Hills District, halor ka jingmih ki trai jaka jong ka shnong Nongkyndong ha Ri Bhoi District kiba la pynthut ia ka jingtei ia u ne u surok Shillong Western Bypass.

U la pyntip ruh, ba watla na ka liang ka sorkar ka la dep ban siew lut ia ka bailutksan sha ki trai jaka na bynta ka jingtei ia u surok Shillong Western Bypass, hynrei ym lah ban tip na kaei ka daw ba ki trai jaka ki la mih ban pynthut ia katei ka jingtei ia u surok. Kumta, ban iada na kano kano ka jingthut bad ka jingnang pynslem ia ka jingtei ia u ne u surok, na ka liang u District Majistor u la pynjari da kane ka kyndon ain na bynta ka jingiaid beit ka jingtei ia u ne u surok na bynta ka jingmyntoi jong u paidbah bad lada don kiba pynkhein ia kane ka kyndon, kin ngat ha ka jingshah pynshitom katkum ka kyndon ain jong ka Section 163 jong ka Bharatiya Nagarik Suraksha Sanhita, 2023.