Ki tyllong khubor ba la ioh ki iathuh ba 8 ngut ki MLA jong ka UDP ki lah ban leit iasoh sha ka BJP ha nongbah Delhi ha ka jingdonlang ki nongialam rangbah kynthup ki Myntri Sorkar Pdeng.
Kumba lah ban sngewtuh ha shuwa ka jingleit iasoh bad ka BJP ha Delhi, ki MLA ka UDP kin iakynduh biang sa shisien bad u Myntri Sorkar Pdeng u Amit Shah ban iakren sani bha halor ki mat jingdawa ba ki MLA ki la pynpaw hakhmat ki nongialam ka BJP.
“Ia ka tarik ym pat lah ban pynthikna hynrei ka lah long ha ka taiew ban wan lane ha ka taiew ba nyngkong jong u bnai Risaw bad ka jingrung BJP jong ki 8 ngut ki MLA kan long beit ha Delhi ha ka jingdon baroh ki nongialam ba rangbah jong ka BJP” la iathuh ki tyllong khubor.
Lah ban kdew ba katto kattne ngut ki MLA ka UDP ki la dep ban lum jingialang ha ki constituency ban twad jingmut na ki paidbah nongkyrshan halor ka jingthmu jong ki ban leit iasoh bad ka BJP na bynta ban pynurlong ia ki jingdawa kynthup ka jingpynrung ia ka ktien Khasi ha ka khyrnit ba phra ka riti synshar ka Ri, ban pynreikam ia ka ILP bad kiwei kiwei.
You may also like
-
Ka jingweng ia ka ‘Nofication’ ka pynpaw ba don jingbakla halor ka SPF, ong ka VPP
-
Shah kem 2 ngut ba tynrah ia u Addl SP Traffic
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding