Ka kynhun jong ka BJP Meghalaya hapoh ka jingialam u MLA ka South Shillong u Bah Sanbor Shullai, dang shen kala leit iakynduh ia u Myntri ka Sorkar Pdeng uba khmih ia ka Minority Affairs u Kiren Rijiju ban kyrpad ban tei thymmai noh ia ka Red Cross Hospital, Laban namar ba kane ka hospital kadei kaba la rim bha. Ha kane ka jingleit ia kynduh ia u Kiren Rijiju la iadonlang u President ka BJP Meghalaya u Rikman Momin bad ki nongkitkam ka seng, ha kaba kila aiti ia ka jingtyrwa ban kyntiew noh ia ka Red Cross Hospital, Laban da kaba shna noh da ka building kaba thymmai namar ba kane ka jaka sumar kala rim bha bad donkam ban tei noh da ka building kaba thymmai bad ban pynbiang ruh ia jingdonkam kiba long katkum kane ka juk kaba mynta.
U Bah Sanbor Shullai ula pynpaw ba ka Red Cross Hospital kaba don ha ka South Shillong Constituency ka donkam ban tei thymmai noh khnang ba ki hajar ngut ki longing baduk kin lah ban bteng ban ioh ia ka jingsumar kaba paka bad ula pynpaw ba dei ha kane ka hospital ba la kha ia u kumta dei ban pynlong ia ka kum ka hospital kaba biang tam hapoh ka nongbah Shillong ha kaba iadei bad ka jingkha ia ki khunlung.
Ula pynpaw ruh ba ha katei ka jingiakren, u Myntri ka Sorkar Pdeng ula pyni ia ka jingkloi ban tei thymmai ia katei ka hospital bad ban aiti ia ka Ddetailed Project Report bad ka Minority Affairs hadien ka elekshon, kumta shen ka kynhun jong ka seng BJP kan leit iakynduh ia u Myntri Rangbah ka jylla u Conrad K Sangma ban kyrpad ia u ban phah ia ka jingtyrwa sha ka Minority Affairs jongka Sorkar Pdeng na ka bynta ban tei ia ka hospital kaba thymmai. U Bah Sabor ula kular ba yn ialeh ban pynurlong shisha ia ka jingkylla ia kane ka hospital hapoh kane ka samoi treikam ka jongu bad ula banjur ruh ba dei ban trei bun ia ka kam bad ban kren duna bad kane kadei ban long ka buit treikam ha ka kam saiñ pyrthei.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project