Tangon u Bah Ardent ia ka sorkar MDA, ioh skhim tang ki MLA ba don ha sorkar Jylla

U nongialam ka Voice of the People Party (VPP) ba long ruh MLA ka Nongkrem u Bah Ardent Miller Basaiawmoit hynne ka sngi, ula tangon tyngeh ia ka sorkar MDA ba ka sorkar ka ai skhim tang ia ki nongmihkhmat ba don ha ka bor synshar, kata ha ki konstitwensi ba mihkhmat da ki MLA ki bym don ha ka sorkar ki duh noh ia ki lad kam pynroi ba ka sorkar ka mang na bynta ki paidbah ka Jylla. Namar ha Nongkrem konstitwensi ka sorkar ka iaid ban ai skhim pynroi sha ki paidbah kum ki surok bad kiwei bad kane ka pynpaw ia ka jingsynshar kaba noh shiliang ha ki kam pynroi. Haba shim bynta ha ka jingiatai ia ka mang tyngka ba la wanrah dang shen da u Myntri Rangbah ka jylla u Conrad K Sangma ula ong, ka sorkar ka la pyntreikam bun ki skhim pynroi lyngba ka. Chief Minister skhim bad kiwei ki tnad treikam, kynthup ka CM Relief Fund, CM Safe Motherhood Scheme, CM Housing Assistance Programme, CM Youth Development Scheme, CM-Connect bad kiwei kiwei ban iarap ia ki samla, ki longkmie bad ia ki paidbah, hynrei kaba lyngngoh ka sorkar ia iaid lait ia ki skhim ha Nongkrem bad naduh u snem 2023-24 ym shym don ki shkim ban shna surok bad kiwei kiwei.

Ula ong ba ula leit ban pyntip sha Symbud Myntri Rangbah ka Jylla kumjuh ia ki enjiniar bad ki ophisar na bynta ban maramot lem ia ki surok ba la sniew ha Nongkrem hynrei ym don ba pynsngap satia, katba ha kiwei ki konstitwensi ba mihkhmat da ki briew ba don ha ka bor ki ioh bun ki skhim pynroi bapher bapher ha ki konstitwensi jong ki. U  Bah Ardent ula pynpaw ha ka iing dorbar ba ka jingthung ia ki Consultant, ki Chairman, Vice Chairman ka dei tang ban pynlut phut ia ka pisa paidbah da ki lak man u bnai ban siew tulop, khamtam ha kum kane ka por ba jylla ka don hapdeng ka saw ka sian na ka jingsyngit ka pla tyngka.U la ong, lada ka sorkar ka dang khot ia ki consultant na shabar ban trei ia ki kam ha Jylla, ki ophisar ki enjiniar kiba ju trei baroh shi katta ia ki kam ha ki tnad sorkar bapher bapher kin trei ia kiei pat ki kam ha ophis.

U la bynrap ruh ba ki don ruh ki Consultan kiba shong ha ophis ba shu ialehkai POG-G kaba pynpaw ba kim donkam ne treikam katkum ka jingthmu ka sorkar, ka sorkar ka dei ban peit bha haba thung consultan bad chairman kiba khlem kam ban shu pynlut kai ia ka pisa. Kumjuh ula pynpaw ha kane ka mang tyngka 2025-26 kam shym don ka jingmang pisa ha ki district council.