Yn shna ia ka Training Center ba T.1.25 klur ha Khadsawphra Kolej

U Prof. D.R.L Nonglait uba long u Director ka College Development Council, NEHU ha ka 21 tarik Lber ula buh ia u Mawnongrim ban tei ia ka jaka hikai ia ki Samla pule ka Khadsawphra College kaba dei na ka bynta ka subject Vocational Training Course kaba ki college ha kine ki sngi ki dei ban don na bynta ban ai jinghikai ia ki samla pule katkum ka NEP. U Dr. Boldness Lyngdoh Nongum, Principal kane ka college ula iathuh ia mynta ka college ka don 4 tylli ki VTC subject na bynta ki samla pule. Kane ka Training Centre ba buh mawnongrim mynta ka sngi ka dei na bynta kumno ban ai jinghikai ia ki samla pule ha kaba iadei bad ki kam misteri dieng (carpentry). Ka jinglut na bynta ka Project ka long kumba 1.25 klur kaba kynthup ia ka building, ki machin, bording ilektrik bad ban ai um.

U Prof. Nonglait ha ka jingkren ula ban ia ka jingdonkam ki VTC Course khamtam ka Carpentry kaba ki khynnah kin ioh ban ieng ha la ki jong ki kjat ynda ki la pyndep ia ka Training Course kaba ki hap ban pule ha ki lai (3) tylli ki Semester. U la ai ka jingiaroh ia ka Khadsawphra College kaba la lah ban shim ia une u mawjam ban ai training ia ki samla pule ha kaba u sngewthuh ba ka rukom pynkhreh ka College kan long katkum kane ka juk teknoloji. U kyntu ruh ia ki bor pyniaid jong ka college ba kan sdang noh ia ia ki PG course khamtam ki Professional Course ha ki snem ban wan namar kum ka college ka la biang ban leh ia kata. La ioh ruh ka jingkren na u Babu Bakerphang War, Vice Principal uba la batai bniah shaphang ki VTC Course jong kane ka College ba nalor ka Carpentry, Vocal, Khasi Traditional Music, Desktop Publishing, yn sa plie sa kiwei pat ki Course kum ka Tourism, Fisheries, Fashion Designing bad kiwei namar ba ka college ka la don lypa ia ki infrastructure na ka bynta kitei ki subject.

Kiwei pat kiba la ai jingkren ha katei ka sngi ki long u Bah Beltestar Rani, Sordar ka shnong Mission Mairang kum u Symbud Kongsan bad u Bah Lawanpynshngain War, President ka College. La pynphuh pynphieng ia ka prokram da ki jingrwai ki samla pule ka Kolej.