Ka Kynhun Myntri Sorkar hynne ka sngi kala jingmynjur ban thaw ia ka Meghalaya Social Welfare Recruitment Board (MSWRB) ban pynkloi ban pyndep ia ka jingthungkam ha ki kam kiba lait ha ka tnat Social Welfare. Ïa kane la pyntip da u Nongaiktien ka Sorkar u Bah Paul Lyngdoh uba dei ruh u Myntri ka tnat Social Welfare u Bah Paul Lyngdoh. Haba kren sha ki lad pathai khubor u Bah Paul u la ong ba ka long kaba donkam eh iaka Sorkar ban thaw daka MSWRB namar ka jingslem palat ka MPSC ban pyndep iaka jingthungkam namar ka jingbym don nongtrei ka buh jingeh iaka tnat ban pyndep iala ki kam.
“Kumta ban pynkloi noh ia ki kam ki jam ban ioh pynrungkam ha ki kam kiba lait, ka kynhun myntri kala ai ia ka jingmynjur ban thaw ia ka Meghalaya Social Welfare Recruitment Board,” la ong u Bah Paul. U Bah Paul u la ïathuh ba ki don kumba 62 tylli ki kam Lady Supervisors, bad 8 tylli ki kam ki Child Development Project Officer (CDPO) kiba thylli hapoh ka tnat Social Welfare.
“Ban pynkloi ia ki kam ki jam baroh, ka kynhun myntri kala mynjur ban thaw ia ka Meghalaya Social Welfare Recruitment Board, kaban khlieh da ka Chairperson kaba dei ban bat ia ka kyrdan Commissioner & Secretary jong ka sorkar Meghalaya ha ka tnad Social Welfare bad ka Director kum ka Member Secretary,” u la ong.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla