Ka shnong Khyllemsangrin ha ka 28.4.2025, lyngba ka Forest & Environment Committee, hapoh ka jingialam jong U Bah B.S.Syiemlieh, Sordar-cum-Chairman ka Forest & Environment Committee bad U Bah N.D.Khardewsaw uba dei u Secretary ka Forest & Environment Committee, ryngkat ki paitbah nongshong shnong ki la leit ban buh da ki Ruh ba la shna hi hapoh ka khlaw Adong jong ka shnong na ka bynta ban pynkharoi ia ki Sim kum ki Moina bad kiwei kiwei ki jait sim ba bun jait kiba la shem jingeh ban ioh ka jaka sah ba biang.
Ha kane ka sngi na ka liang ka Shnong Khyllemsangrin lyngba u Secretary jong ka Forest & Environment Committee u Bah N.D Khardewsaw u la pynbna iar ba ym shah shuh ban siat ne ban pyniap ia baroh ki jait sim na kane ka khlaw, kynthup ia ki syiar khlaw, ki ‘yiar khiar kumjuh ia ki mrad ki mreng bad lada lap kino kino kiba ialeh pyrshah, ka shnong kan pynshitom ia ki katkum ki kyndon jong ka aiñ shnong.
Shuh shuh ka shnong ka la mana bad khang pyrshah ruh ia kino kino kiba leit shim ia ki khun sim kiba lah ban kha ha kine ki ruh khnang ba ki sim ki doh kin nang kharoi na ka por sha ka por.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok