Ka shnong Khyllemsangrin ha ka 28.4.2025, lyngba ka Forest & Environment Committee, hapoh ka jingialam jong U Bah B.S.Syiemlieh, Sordar-cum-Chairman ka Forest & Environment Committee bad U Bah N.D.Khardewsaw uba dei u Secretary ka Forest & Environment Committee, ryngkat ki paitbah nongshong shnong ki la leit ban buh da ki Ruh ba la shna hi hapoh ka khlaw Adong jong ka shnong na ka bynta ban pynkharoi ia ki Sim kum ki Moina bad kiwei kiwei ki jait sim ba bun jait kiba la shem jingeh ban ioh ka jaka sah ba biang.
Ha kane ka sngi na ka liang ka Shnong Khyllemsangrin lyngba u Secretary jong ka Forest & Environment Committee u Bah N.D Khardewsaw u la pynbna iar ba ym shah shuh ban siat ne ban pyniap ia baroh ki jait sim na kane ka khlaw, kynthup ia ki syiar khlaw, ki ‘yiar khiar kumjuh ia ki mrad ki mreng bad lada lap kino kino kiba ialeh pyrshah, ka shnong kan pynshitom ia ki katkum ki kyndon jong ka aiñ shnong.
Shuh shuh ka shnong ka la mana bad khang pyrshah ruh ia kino kino kiba leit shim ia ki khun sim kiba lah ban kha ha kine ki ruh khnang ba ki sim ki doh kin nang kharoi na ka por sha ka por.
You may also like
-
Kem ki pulit i’u Rangbah ba pyniap ia ka para ha Pyndenumsaw
-
Bun ki karkhana ba pynkheiñ ain ki la khang Dang bishar bniah ka sorkar ia ka jingjaboh ka lyer ha Byrnihat
-
Khang tala ka KSU ia ka Mandir ba shna beain ha ophis CBI
-
Lada ka sorkar ka pyrshah tih Uranium ha Meghalaya
-
Donkam pynkylla ki rukom treikam ban kyntiew ka jingshakri ia ki paidbah”