Wan nyngkong ka St Edmunds ha ka Arts, ka Laban Bengalee ka Science ha ka HSSLC

Ka Meghalaya Board of School Education (MBOSE) hynne ka sngi ka la pynbna ia ka resol jong ki khynnah kiba iakhun ia ka eksam jong ka Higher Secondary School Leaving Certificate (HSSLC) mynta u snem.Ha ka Arts Stream ia ka kyrdan ba nyngkong la ioh rah da u samla Albert Mate bad ka samla Idawanplisha Swer na St Edmunds Higher Secondary School da kaba ki ioh 455 mark bad ia ka kyrdan ba ar la iohrah da ka Nelly Mary Khymdeit na St. Paul Higher Secondary School, Nongpoh da kaba ioh 451 mark. Ha ka Science Stream, ia ka kyrdan ba nyngkong la iohrah da u Saptarshi Bhattacharjee na ka skul Laban Bengalee Boys Higher Secondary School ha kaba u la ioh 483 mark bad ia ka kyrdan ba-ar la ioh da ka Drishana Roychoudhury na St. Anthony Secondary School bad ka la ioh 477 mark. Katba ha ka Commerce stream ka samla Disha Chokhani ka la wan ha ka kyrdan ba nyngkong da kaba ioh 481 mark bad u Nishar Talukdar ula wan ha ka kyrdan baar ha kaba ula ioh 476 mark. Haba kren sha ki lad pathai khubor, kine ki samla ki la pynpaw ia ka jingainguh ia u Blei bad ki la ai khublei ia ki kmie ki kpa, ki nonghikai kiba la ai ka jingkyrshan ia ki ha ka pule puthi tad haduh ba kin da ioh ban khein ia u soh ka jingjop. Ka samla Priscilla kaba pule ha St. Anthony’s Higher Secondary School, Shillong ka poi ha ka kyrdan ba 7 ha ka resol HSSLC ha ka Arts Stream, ka la ong ba ka jingbate ia ka por ka dei kaba kongsan tam.

“Ka la ong ba ka jabieng ka treikam bha hapoh ka 45 minit bad ki samla ki dei ban sngewthuh ba tang shu bakla tiak shi minit, ka jingim ka la sepei ei bad ka la ju khang ia ka mobile phone da ka App Keep It out ban ym pynthut ha ka por ba khreh kot,” ong ka samla Pricilla. Ka la ong ba ka jingtrei shitom ka dei kaba kongsan bha bad ka jingdon jong ki kor internet ban ioh jingtip ka la iarap hynrei ka shong haka jingnang pat ban pyndonkam ia ka. Kane ka samla ka don ka jingthmu ban pule kyrpang ha ka sobjek Political Science. Ka samla Idawanplishisha Swer kaba la ioh ia ka kyrdan ba nyngkong ha ka Arts stream na St Edmund Higher secondary school, ka la pynpaw ka jingsngew nguh kaba Khraw ia u Blei namar ba wat  hapdeng ka jing shitom kaba ka la ju ia kynduh, hynrei ka la lah ban bat ia kane ka kyrdan. Kane ka samla ka la pynpaw ia ka jingangnud ba ka don ka jingthmu ban iakhun ia ka exam UPSC lada ka lad ka shah. Ka samla Disha Chokhani kaba wan nyngkong na ka Commerce stream ka la pynpaw ia ka jingsngewkmen ba ka lah ban iohbat ia kane ka kyrdan ba nyngkong. Ka la ong ba ka ju pyndonkam ia ki kor internet hynrei ka tip ia ka por bad ka ju pyndonkam bha tang na bynta ban ioh ki jingmyntoi.

Katba na ka liang ka Shewta Sharma kaba la ioh ia ka kyrdan ba lai ha ka Science, ka la ong ba kam shym poi pyrkhat ban ioh ia ka kyrdan balai ha ka top ten jong ka HSSLC. Ka la ong ba ka don ia ka jingthmu ba kan leit pule ia ka Engineering nangne shakhmat. Kine ki samla ki la ai mynsiem ia kiwei ki khynnah kiban sa iakhun ia ka eksam ba kidei ban minot ban trei shitom bad ban don ka jingkut jingmut ha ka jingim, khnang ba kin lah ban poi sha ka thong jong ka jingjop. Ha kajuh ka por ka resol ki khynnah ba iakhun ia ka eksam jong ka Higher Secondary School Leaving Certificate (HSSLC) ha ka Arts, Science bad Commerce Stream. Ka jingpass ki khynnah ha kane ka eksamin HSSLC,2025 ka long palat 80 percent ha baroh lai tylli ki Stream. Ha ka Arts Stream ki khynnah kiba iakhun ia ka eksam baroh ki don haduh 22,835 bad 18,736 kiba la pass, kaba long 82.05 percent, ha kaba 13 ngut ki mih kyrteng ha ka top 10. Ha ka Science Stream ki don 3922 ngut kiba iakhun ia ka eksam bad 3253 kiba la pass, kaba long 82.94 percent, bad 14 ngut kiba la mih kyrteng ha ka top 10. Ha ka Commerce Stream ki don 2051 ngut kiba iakhun ia ka eksam bad 2033 ngut kiba la pass, kaba long 81.28 percent, bad ki don 13 ngut kiba la mih kyrteng ha ka top 10.

Ha Arts Stream ka jingpas ki khynnah ha Eastern West Khasi Hills ka ka long 92.70 percent, ha East Khasi Hills ka long 91.18 percent, East Jaintia Hills 90.16 percennt, West Khasi Hill 89.70 percent, West Jaintia Hills 85.20 percent, Ri Bhoi 84.62 percent, West Garo Hills 68.86 percent, East Garo Hills 72.62 percent, South Garo Hills 66.01, South West Khasi Hills 77.41 percent, North Garo Hills 64.55 percent, South West Garo Hills 64.53 percent. Ha Science Stream ka jingpas ki khynnah ha East Khasi Hills ka long 86.73 percent, West Khasi Hills 96 percent, Ri, Bhoi 85.63 percent, west Garo Hills 73.61 percent, East Garo Hills 63.57 percent, South Garo Hills 82.35 percent, South West Khasi Hills 68.57 percent, West Jaintia Hills 88.75 percent, East Jaintia Hills  96.15, North Garo Hills 68.69, South West Garo Hills 100 percent bad Eastern West Khasi Hills ka long 79.03. Katba ha Commerce Stream ka jingpas ki khynnah ha East Khasi Hills ka long 83.69 percent, West Khasi Hills 92.3 percent, Ri, Bhoi 75.77 percent, west Garo Hills 67.26 percent, East Garo Hills 76.36 percent, South West Khasi Hills 85.39 percent, West Jaintia Hills 92.45 percent, East Jaintia Hills  92.45 percent, North Garo Hills 64.1, South West Garo Hills 38.46 percent bad Eastern West Khasi Hills ka long 88.29.