U Myntri ka tnad Pule Puthi ka Jylla u Rakkam A Sangma ula pyntip ka tnad ka la iasyllok bad baroh ki bor pyniaid skul ban pynthikna ba baroh ki khynnah ba pass ia ka eksamin Secondary School Leaving Certificates (SSLC) dang shen kin ioh ban leit pule. Haba kren sha ki lad pathai khubor, u Rakkam ula pyntip ba ki don kumba 97 tylli ki skul Secondary jong ki kynhun bad ’riew shimet kiba yn kyntiew kyrdan noh sha ki Higher Secondary mynta u snem. U la ong ba bun ki khynnah mynta ki la shim admission ha baroh ki skul ba don ha ka Jylla.
Ha kajuh ka por ,na ka liang u Myntri u la ong ba baroh ki khynnah ban iakhun biang ia ka eksamin SSLC Supplementary, kiba don palat 7000 ngut ruh kin ioh ban leit pule ia ka Klas 11. ” Ngi la kyntiew kyrdan ia ki skul na ka Secondary sha Higher Secondary khnang ban pyntikna ba baroh ki khynnah kin ioh rung klas,” ong u Rakkam. Ula ong ba nalor ka jingkyntiew kyrdan ia kine ki skul, ka sorkar ka la plie ruh ia ki Arts. Science bad Commerce Stream ha ki skul khnang ba kin lah ban ioh rung klas.
Lah ban kdew ba ka sorkar ka hap ban pyllut pisa sa kumba T.10 klur tam na bynta ban kyntiew kyrdan ia ki 6 tylli ki Secondary School ka sorkar sha ka Higher Secondary School bad ka jingplie ia ki Stream bapher bapher ha ki 11 tylli ki skul jong ka sorkar.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah